Matyu 13:8 - Udél Dwata: Gna Kesfasad ne Lomi Kesfasad

⁸ Okóm wen se sohulen gdek ebè gónón hyu tonok. Timbow gefet, ya tey kfól bunguhen. Wen se kanguyen mungu lematu, wen se mungu nem folò, wen se mungu tlu folò.”

Matyu 13:8 Referans Kwoze

Kun Snulat Luk 8:15

Yóm tonok hyu gónón e gdek yóm dumu bnék sohulen, duhen yó se kem tau hmungol du yóm Udél Dwata, ne tendo hnô le lem hendem le ne tódô henlel le se hemtahu du efet tey kbungu le.”

Matyu 13:23

Okóm yóm bnék gdek ebè gónón hyu tonok, hol lómón ke yó kem tau hmungol du yóm Udél Dwata, ne glileb le. Tey kbungu le kul, wen se mungu lematu, ne wen se mungu nem folò, ne wen se tlu folò.”

Kun Snulat Jan 15:8

Yó gónón megdóyón Mà ke hol ye mungu, ne yó se gónón gdilô yóm klolò ye do.

Tekang Kbuten 26:12

Bè yóm knô Isak bè yó bè Girar, wen tey hulu nmoen. Lemwót bè yóm gel któbóng Dwata du tey bong yóm gel tebasen botong lematu bud gel ulék yóm huluhen.

Flipay 1:11

Sotu bud hnihu anì hol hyu yóm kmò ye lemwót bè yóm gel któbóng Jisas Krays kuy. Ne bè yó se hol gónó Dwata megdóyón bélê ye.

Sulat Pol Ebè Yó Kem Tau Hemtahu Bè Rom 7:18

Deng hónô tngónu yóm dou ktau, laen kô dù hyu nô béléu. Balù yóm kwen óyóu mò du yóm hyu, ewenem yó là kô dog gmou du.

Matyu 13:7

Ne bud wen se sohulen gdek e talak yóm gónón angat mfól kluon. Ne tmowok se, tódô mung senok bè yó kem kluon, okóm deng mom limes kun yóm ngà towok halay lem blóng le.

Mark 4:8

Okóm wen se sohulen gdek ebè yóm gónón hyu tonok, tey hyu ktowoken ne temlê ne tey mungu. Wen se kanguyen mungu tlu folò, ne wen se mungu nem folò ne wen se mungu lematu.”

Mark 4:20

Tum tonok hyu gónón e gdek yó kem dumu bnék sohulen, duhen yó se kem tau hmungol du yóm Udél Dwata ne henmóyô le ne yó gónón alì mungu. Wen se mungu tlu folò ne wen se mungu nem folò ne wen se mungu lematu.”

Kun Snulat Luk 8:8

Wen se sohulen gdek ebè gónón hyu tonok, ne tmowok le. Timbow gefet, tey mfól bungu le, ket na lematu bungu yóm sotuhen.” Omin Jisas bud mon du, “Yóm tau wen klinguhen, hol hmungol.”