Matyu 13:55 - Udél Dwata: Gna Kesfasad ne Lomi Kesfasad

⁵⁵ Igoen se du ngà yóm tau gel mò gónô. Ne igò sem Midi du yóm yéen. Ne du se twogu le Jim ne Jusif ne Simun ne Judas.

Matyu 13:55 Referans Kwoze

Kun Snulat Jan 6:42

Yó mon le, “Igoen ngà Jusif nim Jisas ni. Tngón tekuy maen ne yéen. Moen ke tô monen lemwót gu bè longit?”

Mark 6:3

Igoen du yóm tau gel mò gónô, ne Midi yéen, ne du se twogu le Jim ne Jusif ne Judas ne Simun, ne wen se kem libunen nô gu bè ni.” Yó se gónó le kembê du.

Kun Snulat Luk 3:23

Deng tlu folò ne halay Jisas yóm kbuten mò du yóm nmoen. Bè kul khedem du yó kem tau, Jusif yóm hol kun mà. Yóm Jusif, ngà Hili.

Kun Snulat Luk 4:22

Tódô kdê le gotu beyen hmungol du. Tey keseftaw le du yóm klinggel yó kem udél gel btang gu bè sumóngen, mon le, “Igò sem ni du yóm ngà Jusif.”

Kun Snulat Jan 19:25

Ne bè yó klohok yóm kros Jisas gónó le mdà le yéen, ne yóm twoli yéen, ne Midi yehen Klupas, ne yóm sotu Midi lemwót bè Megdala.

Mark 15:47

Ne ton yóm Midi lemwót bè Megdala, ne yóm sotu Midi yê yóm sotu Jusif snéen yóm gónón lembeng ke Jisas.

Glasya 1:19

Laen dù dumu tau tehe hógów Jisas ke tonu bè yó, tek són Jim, twoli yóm gónó tekuy mogot.

Kun Snulat Luk 24:10

Yó boluy le ni kem libun ni, Midi lemwót bè Magdala, ne yóm Juhana, ne yóm sotu Midi, yóm Yê Jim, ne wen he kem dumu libun mung kul. Lu se fen tmulón du bè yó kem tau tehe hógów Jisas yóm deng ton le.

Isaya 49:7

Wen udél Dwata ebè yó kem tauhen Israél yóm Dwata laen dù belenen yóm lemwà kul. Abay se ni kem tauhen ni, hono tau kenhisik kem dumu tau ne gel knutó nawa le lu yó kem dumu benwu, deng le baling hesek bè yó kem tau mogot benwu. Yó udél Dwata ebélê le, monen, “Angat ton yó kem tau hol geta yóm kegewà ye. Bè yóm kton le kuy tódô le hteneng mdà, botong lan le hol madat kuy. Gotu ton le yu se kul yó kem ngà tau hol geta. Tey keheglaan le bélê ye, botong lan le madat kuy.” Hol tahu dohò nim ni, abay se deng nélék Dwata yóm mò tóbóng lówóhen. Yóm fmasad du kuy nim ni, duhen yóm Dwata yó kem tau Israél, yóm laen kô dù belenen. Là kóen bud mulék elem baken yóm deng fasaden yó.

Kun Snulat Luk 1:27

Wen na a htulón Dwata du bè yóm sotu sawang libun bè yó boluyen Midi. Nim Midi ni, deng leninti yóm sotu logi boluyen Jusif, ne són kesgefet le ne duen. Nim Jusif ni, tau semfu gu bè yóm tehe tau hol geta bélê le boluyen Dabid.

Mark 15:40

Wen se kem libun nô bè yó, olo le temngel mayuk. Mung kul se yóm Midi lemwót bè Megdala, ne yóm sotu Midi yê yóm sotu Jim yóm gel mon le twoli, ne Jusif ne yóm sotu libun boluyen Selumi.

Matyu 27:56

Mung kul se yóm Midi lemwót gu bè Megdala, ne yóm sotu Midi, Yê Jim ne Jusif, ne mung kul snéen yehen Sibidi.

Kem Lingón 22:6

Okóm yóm dou, lómón ke là bude tau, lómón ke denge baling kuled. Tey khisik le dou yóm kdéen tau, ne lel le semdekà dou.

Kun Snulat Jan 9:29

Tngón me yóm tehe kudél Dwata ebè Musis ekni, okóm yóm tau yó, là kô tngón me du gónón gu lemwót.”

Sulat Jud 1:1

Ou se Jud gónón lemwót nim sulat ni. Ou se yóm sotu tau mò tóbóng lówó Jisas Krays, ne ou se yóm twoli Jim. Smulate ebélê ye yu kem tau deng tehe tnaba Dwata. Tey kbong nawahen kuy Dwata, yóm Mà tekuy bè longit, ne tey gel kofinen kuy Jisas Krays.

Kun Snulat Luk 8:20

Ne wen tau mon du mò ke Jisas, monen, “Tu dé yéem ne kem twolihem, mdà le ditu bè lewà, móyô le ston kóm kun.”