Matyu 13:5 - Udél Dwata: Gna Kesfasad ne Lomi Kesfasad

⁵ Wen se sohulen gdek elem lusok botu ebè yóm gónón laen hol tonoken. Là kóen legen deng sana tmowok, abay se là mfól tonoken.

Matyu 13:5 Referans Kwoze

Isikél 36:26

Angat wen lomi nawa blayu kuy ne suu bélê ye yóm óyô mò du yóm hyu. Kóhu bélê ye yóm nawa kembel, tlesu du yóm nawa gulit.

Matyu 13:20

Bong yóm bnék gdek elem lusok botu, hol lómón ke yó kem tau hmungol yóm Udél Dwata, ne tódô kendel hentahu le, ne tey ktimu óyô le du.

Sikaraya 7:12

Yóm kehedem le, hol lómón kgelen botu anì là gungol le du yó kem hlau yóm Dwata laen dù là gbeken du, duhen yó kem dumu udélen hlanen bè Tulusen ebè yó kem tehe tugoden ekni. Yó se gónón alì lembut kul yóm Dwata laen dù là gbeken du.”

Amus 6:12

Yóm kudà, gbeken kô legidù lem botu? Gbek tau kô hdadu safì lem mohin? Nungel. Okóm lómón yó se kungel ye, deng mom nmò ye mò gónó milu yóm kukum tedeng ne deng mom nmò ye sidek khééten yóm tedeng.

Matyu 13:4

Bè yóm ksohulen du, wen se temsik ebè lan, ne sut yó kem onuk koyu, ne tódô gotu tnukô le.

Matyu 13:6

Okóm timbow sut kdaw bè yóm deng ktowoken, tódô kendel menes, abay se monem là holen ngelem dolilen.

Mark 4:5

Wen se sohulen gdek elem yóm tonok bnotu yóm gónón laen hol tonoken. Là kóen legen deng sana tmowok, abay se là mfól tonoken.

Mark 4:16

Ne yóm tonok bnotu gónóhen e gdek yó kem dumu, duhen yó se kem tau hmungol du yóm Udél Dwata, ne tey ktimu óyô le du. Okóm tek likóten yóm kehtahu le du, abay se là dmolilen.