Matyu 13:47 - Udél Dwata: Gna Kesfasad ne Lomi Kesfasad

⁴⁷ “Sotu bud gónó tekuy e hmingón du yóm kogot Dwata tau,” mon Jisas, “hol lómón ke yóm huket tudà le e talak lanaw, ne tey dê kay utón él tawanen.

Matyu 13:47 Referans Kwoze

Kun Snulat Jan 15:6

Yóm tau ke là heneken béléu, lómón ke hanga ntok tódô hgasà, hlós mékéng. Gotu sentifun le lu, omin le mbot kul elem ofi, ne gotu mlób.

Deng Hegfan 3:1

“Budi smulat do ebè yóm fen gel malak yó kem tau hemtahu bè Sardis, monem mò du, ni udélen ebélê ye yóm gónón hol nô yóm Tulus Dwata hitu kay kfasangen, yóm mogot yó kem hitu blotik.” Yó monen, “Deng gotu tngónu se yóm gel nmò ye. Bè kuy kehedem du deng ye tótól bè kehtahu ye, okóm là he, tolo ye golu elem hatay.

Mark 1:17

Tódô mon Jisas mò kul, “Ó kem tau hmuket, mung ye do ne. Wen tles hmou kuy, hebelu yu tau mò lemolò do.”

Glasya 2:4

Okóm wen se móyô mò du. Lu se yó kem tau sut hlingu le tau hemtahu anì hnungol le yóm mò kmò me du ke wen tau là Ju le hemtahu bè Krays Jisas. Yó kóyô le ke hlolò me yó kem tau là Ju le yóm kum hlau kem tau Ju.

2 Kurin 11:26

Bè yóm gel kógówu, deng gfau se mifal du yóm tey dunuk él. Deng gfau se tau hmamfas. Ne tey deng dê gfau bè yó kem hmohon do, wen se bélê le dumuhu tau Ju, wen se là Ju du. Deng wen se gfau bè yó kem syudad, ne deng wen se gfau gu lem yóm benwu là hyu menwu du, ne deng wen se gfau gu te mohin, ne deng wen se gfau bè yó kem tau hlingón tau hemtahu.

Kul Nmò 20:30

Ne angat wen kdawen,” monen, “angat wen lemwót bè kuy kwen angat tmolok sekban, kóyô le ke gmung bélê le yó kem tau hemtahu.

Kun Snulat Luk 5:10

Senged se kul yó kem dumuhen hmuket nô bè yóm sotu ówóng, le Jim ne Jan, kem ngà Sibidi, tey ketnga le se kul. Ne mudél Jisas ebè Simun, monen, “Béi abay likò. Nbuten ni wen ne tles hmou kóm, hebelu uu tau mò lemolò do.”

Matyu 4:19

Tódô mon Jisas mò kul, “Ó kem tau hmuket, mung ye do ne. Wen tles hmou kuy, hebelu yu tau mò lemolò do.”

1 Kurin 11:19

Déke wen muhen yóm kesgólól nawa ye yó mò gónón gfan ke mahil du bélê ye yóm hol tahu gulit lemolò du yóm ktahuhen.

Kun Snulat Jan 15:2

Ket hangahu là munguhen, sal ntoken. Ne ket hangahu mungu, sal gel hen-gifaten anì hol temnù kbunguhen.

Isikél 47:10

Yó kem tau gel hmuket, angat le gotu sedà hilol kilil yóm Mohin Héét ni. Lemwót bè In-gidi tau mdà efet kól etu fi bwak bè yóm benwu In-iglaim, tódô sotu kun mbot byalahen. Angat tódô hnok byala mngal bè kdaw hilol kilil yóm mohin yó. Tódô ket kay utón angat nô lemen, lómón yóm alì kwen utón lem Mohin Miditiranyan.

Matyu 13:44

“Sotu gónó tekuy e hmingón du yóm kogot Dwata tau,” mon Jisas, “hol lómón ke yóm kimu labi deng tódô ton yóm sotu tau talak yóm dnadu, yóm kimu tehe lebeng yó kem tau gnan ekni. Bè yóm ktonen du, bud lebengen se kun. Ya tey kligalen mulék. Tódô gotu himot hbaluen yó kem kdê nô béléen anì geblihen yóm tonok gónón mton yóm kimu labi.”

Matyu 13:46

Timbow wen tonen sotu alì tilob, ominen mulék, ne gotu himot hbaluen yóm kdê kendengenen anì geblihen yóm pérlas tonen yó.”

Matyu 13:48

Timbow deng hnok yóm huket, omin le demyol du ete kembu. Yó nmò le, sentólóng le yó kem utón tawan huket le. Lemwót yó kem utón hyu, sù le lu lem timbà. Ne fen gotu bot le yó kem utón sidek.