Matyu 13:45 - Udél Dwata: Gna Kesfasad ne Lomi Kesfasad

⁴⁵ “Sotuhen,” mon Jisas, “sotu gónó tekuy e hmingón du yóm kogot Dwata tau, hol lómón ke yóm sotu tau mebel yóm kimu libun alì mebtes boluyen pérlas.

Matyu 13:45 Referans Kwoze

Matyu 16:26

Anien he yóm tau ke gotu gfunen klamangen benwu, laen kô dù ofolen du yóm deng gfunen yó ke lana béléen yóm klowil laen dù sónen. Ke lana béléen yóm klowil yó, laen kô dù bud gónón ma du yóm mò tlesen.

Matyu 13:24

Bud wen hningón Jisas bélê le, monen, “Yóm kogot Dwata tau, lómón yóm tau na a smohul yóm bnék hyu bè dnaduhen.

Matyu 22:5

Okóm yó kem tau deng tinoken yó, là kô le dog hekmón, mom henlel le yóm kul nmò. Lemwót sotu, mógów ebè numahen, ne lemwót sotu, mógów ebè tindaen.

Kehedem Tau Tmolok 12:13

Ni se mò sónu du. Hol knikoem Dwata, ne nimónem yóm kdê hlauhen kóm, yakà ni du yóm deng sigangen ta yóm kdéen tau.

Kehedem Tau Tmolok 12:8

Yó udél yóm tau smulat du nim ni, monen, “Laen dù gónón e kól yóm kdéen. Laen kô dù gónón e kól.”

Matyu 7:6

Bud monen, “Bê ye duil tmulón yóm Udél Dwata bè yó kem tau gel hemnê du, lómón ke blay ye bè ohu yóm kimu alì mebtes. Ngem kà mom nékéten kuy. Ne lómón ke blay ye bè sdô yóm ngom libun alì mebtes. Ngem kà gotu sninà ndaen du elem hitok.”

Matyu 13:46

Timbow wen tonen sotu alì tilob, ominen mulék, ne gotu himot hbaluen yóm kdê kendengenen anì geblihen yóm pérlas tonen yó.”