Matyu 13:42 - Udél Dwata: Gna Kesfasad ne Lomi Kesfasad

⁴² Gotu tudà le lu elem lanaw ofi. Ditu gónó le heslaf dmumu mkik, ne sembéhé kakim.

Matyu 13:42 Referans Kwoze

Matyu 13:50

Yó kmò le yó kem tau sidek nmò le, gotu tudà le lu elem lanaw ofi. Ditu gónó le alì heslaf dmumu mkik, ne sembéhé kakim.”

Deng Hegfan 20:10

Bong ke Seitan kun, yóm deng smukat kul, tódô tudà le elem lanaw ofi, yóm ofi wen kbudahen senflós dmilóf. Bè yó se kul deng gónó nô yóm lóbô tanay sut ne yóm fen gel tmugod du. Bè yó gónó le tendo heslaf seflósen kemdaw ne kifu, ne laen kô dù sónen yóm tendo keheslaf le yó.

Matyu 8:12

Okóm yó kem Ju, yóm hol bak mfun du yóm kogot Dwata tau, là kô le gmung kul. Angat gotu tudà le lu ditu ebè yóm gónón alì kmifu, ne bè yó tendo gónó le heslaf dmumu mkik, ne sembéhé kakim.”

Deng Hegfan 19:20

Bè yóm kesfatay le, kenfô le yóm lóbô yó, mung du yóm gel tugoden, yóm tehe gel mò yó kem hentaw ton ke gel nô bè solu yóm lóbô yó. Lemwót bè yó kem hentaw ton tehe nmoen gónón smukat yó kem tau deng wen ilô yóm lóbô nô bélê le, yó kem tau deng hemtahu du yóm lennged hmoen. Yóm lóbô yó koni ne yóm tugoden, gotu tudà le lu igò le tolo mowil elem tum lanaw ofi wen kbudahen tendo dmilóf.

Deng Hegfan 14:10

angat tey kebut Dwata kul, hol lómón ke wen ninum alì lóbô laen dù bolen hinumen kul. Bè yóm angat ktafaken kul, sónmò le heslaf ditu lem lanaw ofi wen kbudahen tendo dmilóf. Yóm keheslaf le yó, hyu bud ton yó kem hógów Dwata gu bè longit ne yóm Ngà Ubiha.

Matyu 25:41

Ominen yó mon du mò yó kem tau fi bè iwóngen, monen, ‘Mdó ye béléu bè ni, yu kem tau deng eles golu elem tafak Dwata. Ditu gónó ye nô lem yóm ofi laen dù tul katayen deng hentifes Dwata bè Seitan ne yó kem hógówen.

Matyu 22:13

Omin yóm tau hol geta yó, mdók yó kem tau gel mò nmò béléen, monen, ‘Ni nfét ye sigelen ne tihen, bot ye etu bè lewà bè gónón alì kmifu anì bè yó gónón tendo heslaf ne dmumu mkik, ne sembéhé kakim.’ ”

Danyél 3:6

Ke wen tau là loloen du nim hlolò ni, tódô henmung bot elem tum tey dilóf ofi.”

Deng Hegfan 21:8

Okóm yó kem tau likò lemolò do, ne yó kem tau là hemtahu le béléu, yó kem tau ssamuk honon lu, ne yó kem tau monok, ne yó kem tau mò samuk, ne yó kem tau smalig bè imò, ne yó kem tau hemtahu bè dwata kéng, ne kdéen tau mò kéng, angat le gógów elem lanaw ofi yóm kdê le, yóm ofi wen kbudahen tendo seflós dmilóf. Yóm lanaw ofi yó, yó se yóm mon le gewuhen dulék matay tau.”

Kun Snulat Luk 13:28

Ngem he,” mon Jisas, “angat tey keheslaf ye dmumu mkik ne sembéhé kakim kesok ton ye lem kun benwu nogot Dwata yó kem tehe fù tekuy, le Abraham ne Isak ne Jakub, ne dalang se yó kem kdê tehe gna tugod Dwata. Okóm yó dum kuy, angat tódô tudà le yu.

Matyu 3:12

Hol lómón ke eles mit teef mò teefen yóm angat knusuhen. Ne gotu otunen eta fol yó kem usoken. Lemwót yóm kafahen tódô ntemen bè yóm ofi laen kô dù tul katayen.”

Kem Lingón 21:9

Bè yóm ksutem na a gemlà kul, lómón kmoem kul yóm tey ofi bong. Gotu kenem lu lemwót bè alì kebutem kul.

Deng Hegfan 9:2

Ominen lemungkà du yóm bak yóm sol leyóng yó, ne tódô hesut se yóm tey kebel gu lemen, lómón kebel yóm tey dutung bong, botong tódô kmifu talak kmawang.

2 Samwél 23:7

Yó nmò yóm tau tô mulut du yóm koyu semnual yó, uluten du bala tók duhen ke dol buyus, tódô sulék nlóben lu bè yóm gónó le masà.”