Matyu 13:31 - Udél Dwata: Gna Kesfasad ne Lomi Kesfasad

³¹ Ne bud wen sotu hningón Jisas bélê le, monen, “Yóm kogot Dwata tau, hol lómón yóm lem hulu deng hulu yóm sotu tau bè tnibahen,

Matyu 13:31 Referans Kwoze

Matyu 17:20

Mon Jisas se, “Abay se tolo udì kehtahu ye. Tódô tulónu kuy ktahuhen, ke bnotù tekuy yóm kehtahu ye, anien ke olon senged bè kutit yóm lem hulu boluyen mustard, botong gbek ye tódô mon du bè yóm bulul nii, ‘Milihi etuu.’ Nénégem kà tódóen mili. Laen kô dù là gbek ye du.

Kun Snulat Luk 17:6

Bnalà Jisas se, monen, “Ke bnotù tekuy yóm kehtahu ye, anien ke lómón kutiten yóm lem hulu alì lemnek bè kdéen, kaem gbek ye ne mdók nim koyu bong nii anì tódô mdó bè ni, ne mili elem mohin, tódô nimónen yu.”

Matyu 13:24

Bud wen hningón Jisas bélê le, monen, “Yóm kogot Dwata tau, lómón yóm tau na a smohul yóm bnék hyu bè dnaduhen.

Kun Snulat Luk 20:9

Ne bud mudél Jisas ebè yó kem tau, bede hningónen, monen, “Wen sotu tau lamang huluhen boluyen grép. Ne mdengen se kem tau hogoten du, ominen lemwót milo ebè dumu benwu, nan na legen yóm knóen ditu.

Kun Snulat Luk 19:11

Bè yóm tolo lel le hmungol ke Jisas yó kem tau, wen hlingón tulónen kul, abay se deng le moni ne bè Jirusalim, ne ofo kul hemdem du kem tau ke móyónen sut ne yóm kehkamal Dwata du yóm klamangen.

Isikél 47:5

Bud kewót me bè yó bud bemtes limu latu mitru emool. Ne yóm él bè yó, là bud gbek me mifal du ke là kmohung me, abay se deng nelem ne laen dù tau bud gembek mifal du.