Matyu 13:30 - Udél Dwata: Gna Kesfasad ne Lomi Kesfasad

³⁰ Na ye tódô hbungu lemen he yó kem halay. Sok kól bè angat kutahu du, gna hekdutu yó kem tau muta yó kem kluon yó, gotu benkes lu ne ntem le. Omin yó he muta yó kem halay, ne omin ye mogut kul ebè fol.’ ”

Matyu 13:30 Referans Kwoze

Matyu 3:12

Hol lómón ke eles mit teef mò teefen yóm angat knusuhen. Ne gotu otunen eta fol yó kem usoken. Lemwót yóm kafahen tódô ntemen bè yóm ofi laen kô dù tul katayen.”

1 Timuti 5:24

Wen se sidek gel nmò tau mahil gfan, ne yó se mit kul elem hatay. Okóm wen se yóm sidek nmò tau là gfanen efet hulin kdaw.

1 Kurin 4:5

Yó gónóm mon, bê tekuy abay kendel hendeng kun kmò sotu tau gu laanen là deng kól yóm hol bantang kdaw. Tódô nangat tekuy bè kun kmò du yóm gónó tekuy mogot sok semfulék edini. Bè yóm kdaw yó, angat gotu hegfanen yóm kdéen gebnos nmò tau. Dalang se yóm kdéen gbuni nô lem hendem tau, gotu hegfanen. Ne yó he kguta kdéen tau du yóm kdóyón Dwata kul duhen ke là.

Kun Snulat Jan 15:6

Yóm tau ke là heneken béléu, lómón ke hanga ntok tódô hgasà, hlós mékéng. Gotu sentifun le lu, omin le mbot kul elem ofi, ne gotu mlób.

Malakay 3:18

Omin ye yó he mton du yóm gónón stólóng kbalau yóm tau tedeng ne yóm tau gel mò sidek ne gónón stólóng kbalau yóm tau mimón ke Dwata ne yóm tau là mimónen.”

Matyu 25:32

Angat tódô kdéen tau bè klamangen benwu gotu stifun ebè soluhen, ne sentólóngen lu. Lómó kmò kestólóngen kul, lómón yóm tau semgyok ógóf, gel sentólóngen yó kem ubiha bè yó kem kambing.

Kun Snulat Luk 3:17

Hol lómón ke eles wen teef nwiten mò gónóhen tmeef du yóm angat knusuhen, ne otunen eta fol yó kem osoken. Lemwót yóm kafahen, ntemen. Ne yóm ofi gónón mtem du yó, ofi laen kô dù tul katayen.”

Matyu 25:41

Ominen yó mon du mò yó kem tau fi bè iwóngen, monen, ‘Mdó ye béléu bè ni, yu kem tau deng eles golu elem tafak Dwata. Ditu gónó ye nô lem yóm ofi laen dù tul katayen deng hentifes Dwata bè Seitan ne yó kem hógówen.

1 Samwél 25:29

Baluen ke senktes hnatay le uu yó kem hohonem, tey kofinen kóm yóm sana kóm Dwata hol gónó mogot, lómón kesegyok tau yóm kimu alì mebtes alì legenen. Okóm yóm kul klowil yó kem hohonem, angat tódô lana lómón tódô klana yóm botu ke ubat bè hasut.

2 Samwél 23:7

Yó nmò yóm tau tô mulut du yóm koyu semnual yó, uluten du bala tók duhen ke dol buyus, tódô sulék nlóben lu bè yóm gónó le masà.”

Matyu 13:25

Sotu kifu bè yó, igò le lemnga tungô yóm kdê le, tódô sut yóm hohon yóm tau fun dnadu nan e bud nulit sohul bè dnadu yóm lem kluon, ominen bud mulék.

Matyu 13:29

‘Tagad he,’ mon yóm tau fun dnadu, ‘déke mom gomong gekdut ye yó dum halay.

Job 39:12

Gbekem smalig du kô mò tmóbóng kóm bè yó kem deng nutahem, duhen ke hwitem du yóm nutahem yó ebè yóm gónóm kmusu? Neet he.