Matyu 13:27 - Udél Dwata: Gna Kesfasad ne Lomi Kesfasad

²⁷ Timbow ton yó kem tau gel mò nmò bè yóm tau fun dnadu yó, omin le kendel mógów ebéléen, ne mon le mò du, ‘Ó Sér, igoen se tey tilob yóm bnék sohulem bè dnaduhem, moen se tu du ke wen gbol lemen?’

Matyu 13:27 Referans Kwoze

Sulat Pol Ebè Yó Kem Tau Hemtahu Bè Rom 16:17

Ni hol monu mò kuy, kem dumuhu setwoli, hol ten-gama ye yó kem tau tô senkla le yóm kessotu nawa ye, ne gel senbeweg le yóm kehtahu ye, lel le gel semkuya yóm tahu tolok deng gel gungol ye. Yó kmò ye kul, tódô ye hlayuk bélê le.

2 Kurin 6:1

Duhen yó, lemwót bè yóm deng keseglomong me mò nmò bè Dwata se kum, yó gónó me mon du mò kuy, hol bê ye abay hningay yóm któbóng Dwata kuy.

2 Kurin 6:4

Hol kóyô me ke dilô le bè kekdol me yóm ktau me tóbóng lówó Dwata. Yó gónó me tódô hol hembala du ke wen gónó me glayam, duhen ke wen yóm mgel sut bélê me, duhen ke wen gbunù me.

1 Kurin 16:10

Kesok slob bélê ye Timuti, hol hnódó ye, abay se mò nmò bè yóm gónó tekuy mogot se nim tau ni lómón yóm dou gel nmò.

Sulat Jim 4:4

Tey tau mili nawa yóm yu. Là tngón ye du kô, ke són nô bè nawa tau yóm kenbeyen nawa talak tonok, deng baling hohon Dwata ne? Ke són yó se nóyóen, mom hnohonen Dwata.

Matyu 13:25

Sotu kifu bè yó, igò le lemnga tungô yóm kdê le, tódô sut yóm hohon yóm tau fun dnadu nan e bud nulit sohul bè dnadu yóm lem kluon, ominen bud mulék.

Matyu 13:26

Ne ominen tmowok yóm halay, ne tmowok se kun yóm lem kluon. Timbow deng nbuten mosò yóm halay, yó he kdilô le du yóm kluon deng gbol lemen.

Matyu 13:28

Bnalà yóm tau fun dnadu, monen, ‘Yóm tau hmohon do mò du yóm yó.’ Ne mon yó kem tau mò nmò béléen, ‘Tedu kmò me du du? Gotu kendut me kô yóm deng gbol bè yó?’

Matyu 20:1

Bud mon Jisas mò kul, “Yóm kogot Dwata tau, hol lómón ke yóm sotu tau lamang grép huluhen. Sotu kdaw, tódô temkifu lemwót na a mebel tau mò nmò bè yóm huluhen yó.