Matyu 13:26 - Udél Dwata: Gna Kesfasad ne Lomi Kesfasad

²⁶ Ne ominen tmowok yóm halay, ne tmowok se kun yóm lem kluon. Timbow deng nbuten mosò yóm halay, yó he kdilô le du yóm kluon deng gbol lemen.

Matyu 13:26 Referans Kwoze

Isikél 17:6

Tódô dmolil bè yó tey lemfà, bede là katen tahà. Yóm lefaen, lemfà etu bè yóm banug ne tey mgemel kdolilen. Ngangen efet mgemel yó kem hangahen ne tey mobung dounen.Okóm bud wen sotu banug bong sut bè yó, tey tahà ból hafaken ne tey mfól bulen. Lemwót yóm lemfà yó koni, mom bud lemfà ebè yóm lomi banug sut mni él béléen.

Matyu 13:25

Sotu kifu bè yó, igò le lemnga tungô yóm kdê le, tódô sut yóm hohon yóm tau fun dnadu nan e bud nulit sohul bè dnadu yóm lem kluon, ominen bud mulék.

Matyu 13:27

Timbow ton yó kem tau gel mò nmò bè yóm tau fun dnadu yó, omin le kendel mógów ebéléen, ne mon le mò du, ‘Ó Sér, igoen se tey tilob yóm bnék sohulem bè dnaduhem, moen se tu du ke wen gbol lemen?’