Matyu 13:25 - Udél Dwata: Gna Kesfasad ne Lomi Kesfasad

²⁵ Sotu kifu bè yó, igò le lemnga tungô yóm kdê le, tódô sut yóm hohon yóm tau fun dnadu nan e bud nulit sohul bè dnadu yóm lem kluon, ominen bud mulék.

Matyu 13:25 Referans Kwoze

1 Pitér 5:8

Bê kuy abay gel hlingay, hol ye eles htigel. Abay se wen Seitan yóm hohon ye, sónmoen mebel yóm tau mò hensideken, lómón yóm liyun, sónmoen mebel kenfóen mò nséken.

2 Pitér 2:1

Yóm tehe yu ekni, gel wen se kem tau gel sut tódô tô lembù tmugod ke Dwata. Senged se ni kmoen ni, wen tau sut na a tmolok sekban lem blóng ye. Hono kéng yóm gel tolok le. Ke lolò ye, hensideken ktau ye. Sal henkéng le yóm gónó tekuy mogot igoen du yóm tehe msok kul gu lem hatay. Yó gónóm mon, angat tódô kento genlà Dwata lu yó kem tau yó.

Matyu 13:39

Ne yóm hohon smohul du yó, duhen Seitan. Yóm deng kgefet yóm halay, hningónen yóm hol són kdaw. Ne yó kem tau muta, duhen yó kem hógów Dwata gu bè longit.

Deng Hegfan 12:9

Tódô tudà le etalak tonok yóm swaga hulô yó, yóm tehe ulal là kna lemwót bè kbuten, duhen Seitan, yóm alì hulung dmelem, yóm alì hulung smukat yó kem tau bè klamangen benwu. Tódô tudà le etalak tonok, mung du yó kem gel hógówen.

Hibru 12:15

Hol ten-gama ye anì là wen bélê ye bè yó kmogol du yóm tey nawa Dwata ebéléen. Hol ten-gama ye yóm nawa là hmifót. Ke hlingónu du yóm nawa yó, hol lómón ke yóm kluon wen alasen, gbeken alì hmayam du yóm tau glo du.

Matyu 25:5

Lemwót yóm logi myehen, wen gónóhen ganggà, là géhélen kól. Yó gónóm mon, deng mom moo ktuk yóm sfolò kem libun, gotu le gtungô.

Glasya 2:4

Okóm wen se móyô mò du. Lu se yó kem tau sut hlingu le tau hemtahu anì hnungol le yóm mò kmò me du ke wen tau là Ju le hemtahu bè Krays Jisas. Yó kóyô le ke hlolò me yó kem tau là Ju le yóm kum hlau kem tau Ju.

Deng Hegfan 2:20

Bede wen se kenbéu bélê ye. Yó kenbéu yóm sotu libun nô bélê ye bè yó lembù tmugod ke Dwata boluyen Jésébél. Tódô kem bayà ye du yóm gel ktoloken, ne deng mom niten lu hetlas yó kem tau hemtahu béléu, deng mom nbóten lu mò samuk, ne yóm kegken le yóm ken deng dsù le ebè yó kem dwata kéng.

Deng Hegfan 13:14

Ne lemwót bè yó kem hentaw ton gel nmoen, gónó le gotu gsukat yóm kdéen tau nô te tonok. Bè yóm gel kmoen du ni kem ni, gel nô klohok yóm lóbô tanay sut, abay se yóm lóbô gna sut gel hmò du béléen. Yóm lóbô huli sut yó, wen lennged hmoen yó kem tau, yóm lennged mkél bè yóm lóbô tehe hnalì bè sudeng, okóm deng bud mowil.

Matyu 13:24

Bud wen hningón Jisas bélê le, monen, “Yóm kogot Dwata tau, lómón yóm tau na a smohul yóm bnék hyu bè dnaduhen.

Matyu 13:26

Ne ominen tmowok yóm halay, ne tmowok se kun yóm lem kluon. Timbow deng nbuten mosò yóm halay, yó he kdilô le du yóm kluon deng gbol lemen.

Matyu 13:27

Timbow ton yó kem tau gel mò nmò bè yóm tau fun dnadu yó, omin le kendel mógów ebéléen, ne mon le mò du, ‘Ó Sér, igoen se tey tilob yóm bnék sohulem bè dnaduhem, moen se tu du ke wen gbol lemen?’

Matyu 13:29

‘Tagad he,’ mon yóm tau fun dnadu, ‘déke mom gomong gekdut ye yó dum halay.

Matyu 13:30

Na ye tódô hbungu lemen he yó kem halay. Sok kól bè angat kutahu du, gna hekdutu yó kem tau muta yó kem kluon yó, gotu benkes lu ne ntem le. Omin yó he muta yó kem halay, ne omin ye mogut kul ebè fol.’ ”

1 Bok Kem Tau Hol Geta 3:20

Ominen btik sóól buteng bè yóm kifu yó, tódô nwahen klohoku yóm dou ngà bè yóm igou tolo tungô, ne hlasaen bè yóm kun gónó tungô. Ominen ma yóm kun ngà deng matay, hlasaen te sigelu.