Matyu 13:20 - Udél Dwata: Gna Kesfasad ne Lomi Kesfasad

²⁰ Bong yóm bnék gdek elem lusok botu, hol lómón ke yó kem tau hmungol yóm Udél Dwata, ne tódô kendel hentahu le, ne tey ktimu óyô le du.

Matyu 13:20 Referans Kwoze

Kun Snulat Jan 5:35

Yóm Jan, hol lómón ke solok, ne tey knóngen. Okóm tek likót ye tô hligal du yóm knóngen yó.

Mark 6:20

Abay se ke Hirod, wen klikoen ke Jan. Tódô tngónen tau tedeng kmoen, bà udì ke wen belenen, yó gónón gel mofin du. Tey móyô Hirod hmungol du yóm gel tulón Jan, okóm deng mom sónmoen sbeweg kehedemen bè yóm gel khungolen du.

Isaya 58:2

Tey tendo gel ktaba le ebéléu ket kdaw. Yó mon le móyô le temngón du kun yóm dou lan ne mimón du yóm dou hlau. Kóyô le kun ke blayu kul yóm hlau tedeng. Ne tey hyu nawa le kun tmaba ebéléu. Okóm olo beyen mon le yóm udél le yó.”

2 Tutul Israél 24:2

Tey tilob kton Dwata du yó kem gel nmò Juas yóm klawihen mowil Jihuyada yóm tau blóng le ebè Dwata.

Kul Nmò 8:13

Balù se ke Simun, botong gbót hemtahu se kun. Kogol yóm kehbabtaysen, tódô hlós mung ke Filip. Tey kehtawen yó kem hentaw ton gel nmò Filip.

2 Tutul Israél 24:14

Tikóng deng ketlob le du yóm Gónô Dwata, lemwót yóm dù filak bud nwit le ebè yóm tau hol geta lewu le Jihuyada. Yó mu le du mò bli le tahu blówón ne blówón bukay mò hmò le yó kem kimu mò nô lem yóm Gónô Dwata, yó kem wen mu le du bè yóm ktaba le ebè Dwata, ne bè yóm gel kedsù le ebéléen yóm dsù hkekeb, ne bè yóm gel kken le bè yó, gotu nmò le bè blówón bukay ne tahu blówón. Yóm klawi Jihuyada mowil, senflós le demsù du yóm dsù hkekeb le ebè Dwata bè yó lem Gónô Dwata.

2 Tutul Israél 24:6

Duhen yó, htaba yóm tau hol geta Jihuyada yóm geta bè yó kem tau gel blóng ebè Dwata, ne monen mò du, “Moen de ke là dókem kul yó kem sfu Libay anì sentifun le yó kem filak bwis le bè Gónô Dwata yó kem tau bè Juda ne bè Jirusalim? Igò Musis deng tehe hlolò du bè yó kem tau Israél mò temlob yóm Gónô gónóhen nô yóm Slungan Fasad.”

Matyu 7:8

Ket tau ke wen hnihen bè Dwata, gutahen. Ke wen hnebelen, tonen. Ke mbal gu bak sut, hotun Dwata.

Matyu 13:19

Ke wen tau mungol du yóm tulón bè kmò kogot Dwata tau, ne là dog hendem le du lanen, hol lómón ke yóm bnék temsik ebè lan. Tódô sut Seitan, nwahen bélê le yóm udél deng gungol le.

Matyu 13:21

Okóm là kóen dmolil, tek likót le tô hemtahu. Timbow wen gfà le duhen ke wen hlayam sut bélê le lemwót bè yóm tô kehtahu le, tódô kendel gkogol le yóm tô kehtahu le yó.