Matyu 13:17 - Udél Dwata: Gna Kesfasad ne Lomi Kesfasad

¹⁷ Tódô tulónu kuy ktahuhen, tey dê kem tehe tugod Dwata ekni dalang se yó kem dumu tau Dwata, gel tô hendeen le mton du yóm kuy deng ton nim kmoen ni, okóm là kô ton le du. Tô hendeen hnungol le se kul yóm kuy deng gungol ni, okóm là kô gungol le du.”

Matyu 13:17 Referans Kwoze

Kun Snulat Jan 8:56

Yóm tehe fù ye Abraham,” mon Jisas, “tey kligalen, abay se deng eles tngónen yóm ksutu bè ni lem benwu. Tey kligalen yóm deng ktonen dou dini.”

Hibru 11:13

Ni kem tau monu ni koni, là kô dog ton le du yóm fasad Dwata kul, deng le gotu matay gu laanen. Okóm bè yóm tehe tolo klowil le, hol lómón ke deng ton le, ne tey kligal le du snéen, balù yóm tolo klimahen bélê le. Yó gel mon le, “Tau me milo se kum. Olo kem kum hlun gónó nô nim benwu ni.”

Kun Snulat Luk 10:24

Tódô tulónu kuy ktahuhen,” monen, “tey dê bè yó kem tehe tugod Dwata ekni ne yó kem tehe tau hol geta gel tô hemdeen mton du ni kem kuy ton ni, okóm là kô ton le du. Tô hendeen hnungol le se kul yóm kuy deng gungol ni, okóm là gungol le du.”

Kun Snulat Luk 10:23

Omin Jisas beklil ebè yó kem gel lemolò du, ne wen tulónen kul tek són lu, monen mò kul, “Tey hyu kuy abay se deng ton ye ni kem deng ton ye ni.