Matyu 13:15 - Udél Dwata: Gna Kesfasad ne Lomi Kesfasad

¹⁵ Abay se là móyô le dmalang ni kem tau ni, deng mom nseng le klingu le, deng le mom hidong. Ke bê le nmò yó dum yó, dilô le yóm gel ton le ne glileb le lanen yóm gel gungol le. Ngangen ne efet le mimón béléu,’ mon Dwata, ‘ne gotu hnifótu yó kem salà le.’

Matyu 13:15 Referans Kwoze

Isaya 6:10

Omin Dwata bud mon du mò do, “Yó kem tau alì mgel kulu le yó, henbalingem lu tau là hulungen hedem. Hol hbokongem lu, hol hbutóem lu anì là getnef le du lanen yóm ton le ne yóm gungol le. Abay se ke getnef le, déke beklil le ebéléu na le e hkó béléu salà le.”

Mark 4:12

‘Anien he ke gel ton le, là kô dilô le du. Baluen he ke gel gungol le, là kô glileb le du. Ke yó dum glileb le, kaem semfulék le ebè Dwata, ne hnifóten bélê le yó kem salà le.’”

Sikaraya 7:11

Yó kem tehe fù ye ekni, là kô hnungol le du yóm udélu ni. Tey kehgel le kulu le, mom nseng le klingu le anì là gungol le du.

Malakay 4:2

Okóm bélê ye kuy kem tau wen klikò ye do, wen gónóhu tmóbóng kuy. Angat nwitu elem blóng ye yóm kukum tedeng. Yó angat kmoen bélê ye, lómón ke kdaw mnóng ebélê ye mò hkó des ye. Angat ye hligal abay se laen dù bud gónó ye gfét, lómó kligal ye lómón yóm ngà safì laen dù bud féten, hligal mlóy ne hkak.

Jirimaya 17:14

Ó Dwata, kóhem dou yóm blat nô tahu anì bud hyu kegnómu du. Lenwaem ou anì laen dù hemenu. Tek són uu yóm dóyónu.

Hibru 5:11

Bè ni kem tulónu kuy ni koni, tey dê he yóm tô nóyô tulón me kuy, okóm tey mgel tmulón du kuy, abay se laen dù hol óyô ye dmalang.

2 Timuti 4:4

Là kô hnungol le du yóm ktahuhen, mom knogol le. Mom tu alì henklingu le yó kem tulón lenbù nmò yó kem tau gnan.

Kul Nmò 7:57

Bè yóm kungol le du yóm udél Stéfén yó, tódô nseng le klingu le yó kem tau hol geta mogot kukum yó, tódô le gotu hetê demlu ebéléen.

Kem Lingón 119:70

Yó kem tau heklabak yó koni, là hulung le temnef, okóm do, hligale du yóm hlauhem.

Deng Hegfan 22:2

hlós mlel ebè gónón sóól yóm lan bè yóm syudad yó. Tódô sbalà tmowok bè kililen se yóm koyu boluyen koyu hlowil tau. Sfolò lewu duléken mungu bè yóm sfalay yóm koyu yó, tódô keten bulón. Ne yó kem dounen mò bulung bè yó kem tau bè klamangen benwu.

Kul Nmò 3:19

Duhen yó,” mon Pitér, “hegsel ye ne bè yóm sidek deng gel nmò ye. Semfulék ye ebè Dwata dé anì hnifóten yó kem salà ye. Ke ni se nmò ye,

Husiya 14:4

Yó udél yóm sana Dwata hol gónó mogot, monen, “Lemwót bè yóm deng kehegsel le, angat kóhu bè yó kem dou tau yóm nawa kmogol do. Hotuhu nawahu kembong nawa kul abay se là bud lenbutu kul ne.

Jirimaya 33:6

Okóm angat wen he kdawu, bud temlob du yó kem deng gbà bè Jirusalim ne bud henyuhu klówó yó kem tauhen. Ne bud hefeneku ke benwu le ne laen kô dù bud hemen le yó kem tau nô lemen.

Isaya 57:18

Deng gotu tonu yó kem nmò le, okóm angat kóhu bélê le yó kem salà le. Nalaku lu ne tnóbóngu lu ne henyuhu nawa yó kem langag.

Isaya 44:20

Yóm nmoen yóm tau yó, lómón ke mken kohù laen dù gónón mowil du. Ungel nmoen yóm yó, olon tmondo knóen. Laen dù lanem tmóbóng du yóm tau yó. Là kô dilóen du yóm koyu lennged nogoten, sundu tahu dwata du.

Jirimaya 3:22

“Ó kem ngà là mimón,” mon Dwata, “semfulék ye ebéléu dé anì kóhu bélê ye yóm nawa là mimón nô lem but blutut ye.” Ne yó balà le ke Dwata yó kem tau, mon le, “Tahu se, mulék me ebéléem ne ni, yakà uu du yóm kum Dwata hol gónó mogot.

Jirimaya 17:9

Yóm kehedem tau hol gónó gsukat, tey móyô mò sidek. Tau du se gbek temnef du yóm ksideken yóm kehedem tau?

Kun Snulat Luk 19:42

yó monen, “Kamà ke yóm tngón ye yóm lan ye bud mit sefyu ebè Dwata, balù ni hem kemdaw ni ke tnana ye. Okóm là kô glileb ye du.

Kul Nmò 28:27

Abay se ni kem tau ni, là móyô le dmalang. Deng mom nseng le klingu le. Deng le mom hidong. Ke bê le nmò yóm yó, dilô le yóm gel ton le, ne glileb le lanen yóm gel gungol le, ngangen ne efet le semfulék ebéléu, mon Dwata, ne gotu le baling bud hyu.’ ”

Kem Udél Hlalak Tehe Selumun 16:30

Tódô gfan bè uyó kem tau yóm katul le mò sidek ne tódô dilô bè kekdol sumóng le yóm deng kmò le sidek.