Matyu 13:14 - Udél Dwata: Gna Kesfasad ne Lomi Kesfasad

¹⁴ Yó deng gónón dohò yóm tehe mon yóm sotu gna tugod Dwata ekni boluyen Isaya, ‘Anien he ke gungol le, là kô glileb le du. Anien he ke ton le, là kô dilô le du.

Matyu 13:14 Referans Kwoze

2 Kurin 3:14

Ne yó kem tau Israél ekni, là kô glileb le du yóm hmò Dwata ke Musis lem blóng le, hol lómón ke wen seng bè kehedem le. Balù nim kmoen ni, sok gel senfala le yóm tehe hsulat Dwata ke Musis ekni, là kô glileb le du, abay se monem tolo wen seng bè kehedem le. Tek són bè yóm kessotu le bè Krays gónón mkó yóm seng yó.

Kun Snulat Luk 8:10

Bnalà Jisas se, monen, “Wen yóm là heglileb Dwata du bè kem dumu tau bè yóm kmò kogoten tau, okóm deng heglileben kuy. Bè yóm gel ktulónu du bè dumu tau, gel hningónu, abay se bè yóm kton le du, là kô dog dilô le du. Ne bè yóm kungol le du, là kô na le e glileb du.”

Mark 4:12

‘Anien he ke gel ton le, là kô dilô le du. Baluen he ke gel gungol le, là kô glileb le du. Ke yó dum glileb le, kaem semfulék le ebè Dwata, ne hnifóten bélê le yó kem salà le.’”

Sulat Pol Ebè Yó Kem Tau Hemtahu Bè Rom 10:16

Okóm là kô kdê le du hemtahu du yóm Tulón Hyu yó. Hol mkél bè yóm sotu tehe mon Isaya ekni, yóm monen, “Ó Dwata, là holen wen tau hemtahu du yóm gel tulón me.”Duhen yó, yó gónó le hemtahu yó kem tau ke deng gungol le yóm Tulón Hyu. Ne yóm Tulón Hyu monu yó, duhen yó se yóm tulón me gbak ebè Krays.