Matyu 13:12 - Udél Dwata: Gna Kesfasad ne Lomi Kesfasad

¹² Yóm tau ke wen deng gwahen, angat tendo bud gel tennù Dwata béléen anì hol mdengen yóm gwahen. Okóm yóm tau là suen du lem hendemen yóm deng gungolen, balù yóm udì tehe tngónen, angat bud kó Dwata béléen.

Matyu 13:12 Referans Kwoze

Matyu 25:29

Yóm tau ke gulit kogoten du yóm nô béléen, angat bud wen tnù le du efet gengón. Okóm yóm tau ke là gulit kogoten du yóm deng nô béléen, angat bud nwa le béléen.

Kun Snulat Luk 8:18

Yó gónóm mon, hol ten-gama ye dé kmò khungol ye. Abay se yóm tau deng wen gwahen, angat tendo bud gel tennù Dwata béléen yóm gwahen yó. Okóm yóm tau là suen du lem hendemen yóm deng gungolen, balù yóm udì deng tehe gna tngónen, angat tódô bud kó Dwata béléen. Ofo kun hemdem du ke deng wen gwahen, okóm laen duen.”

Deng Hegfan 2:5

Hol hendem ye dé yóm tey tehe nawa ye ebéléu ekni. Knogol ye ne yó kem salà ye, ne bud hulék ye ebè yóm hyu tehe gel nmò ye ekni. Ke là hdon ye du nim monu mò kuy ni, tódóe mógów edyó lem blóng ye naw e kó yóm kuy solok.

Kun Snulat Luk 16:25

Okóm bnalà Abraham, monen, ‘Hentulónem nawa, Fù, yóm tehe kóm klowil. Deng gotu gutahem ne kehyuhen, kóen kun nim Lasarus, fen gutahen ksideken. Okóm ni, deng gsengel ne kun kegnóm du bè ni, ne feni meflayam kóm.

Matyu 21:43

Tódô tulónu kuy,” mon Jisas, “lemwót bè yóm kekbê ye du yóm botu yó, là kô ye bud gmung ne bè yó kem tau nogot Dwata. Yó bud tles nogoten yó kem tau mò du yóm nóyóen.

Kun Snulat Luk 16:2

Kewóten se kun yóm tau wen kendengenen, tinoken yóm tau tnifù le yó, monen mò du, ‘Deng wen gungolu gbak ebéléem. Gotu snulatem dou kun yóm kmò khógówem du yó kem kimuhu, abay se sónen ni ne khogotu du kóm.’

Kun Snulat Luk 10:42

Tek sotu se yóm bong muhen, duhen yóm deng kun nélék Midi, yóm laen dù bud gemwa du béléen.”

Kun Snulat Luk 9:26

Yóm tau ke mom hnalaen yóm kloloen do dalang se yóm gel toloku, angat hnalà yóm Ngà Tau se kun bè yóm bud kesfuléken edini na a mogot benwu. Bè yóm bud kesfuléken edini yó, angat gfan yóm kegetahen, ne yóm kun kegeta Maen, dalang se kul yó kem hógówen gu bè longit.

Mark 12:9

Bud wen snólók Jisas bélê le, monen, “Ke yó se nmò yó kem tau mogot hulu, tedu se nmò yóm tau fun hulu? Yó nmoen, tódô lemwót etu bélê le nan e gotu hnatay lu, bud tólóng tau ne hogoten du yóm huluhen yó.”

Kun Snulat Luk 12:48

Bong yóm tau ke là deng tngónen du kun yóm hol kóyô yóm gónóhen mogot, ne gmoen se kun yóm gónóhen megtafak, là katen alì mgel kboug le du. Yóm tau ke bong yóm hogot le du, bong se hendón le béléen. Ne yóm tau ke alì bong se yóm hogot le du, milud se kbongen yóm hendón le béléen.”

Sulat Jim 4:6

Okóm tey bong któbóng Dwata tekuy senta yóm óyô mò sidek. Wen bud monen bè Sulat Dwata, yóm monen, “Tey kekbê Dwata du yóm tau hegeta knô. Bede tey któbóngen du yóm tau hulung heglaan béléen.”