Matyu 12:7 - Udél Dwata: Gna Kesfasad ne Lomi Kesfasad

⁷ Wen yóm monen bè Sulat Dwata, ‘Keskodu dé yóm hol nóyóu bélê ye, là kô dsù du.’ Ke deng tngón ye lanen yóm udél Dwata ni, là kô ne ye e tódô hensalà yóm tau laen dù bang salaen.

Matyu 12:7 Referans Kwoze

Husiya 6:6

Yó hol nóyóu bélê ye ke hol tahu lemwót lem but blutut ye yóm kbong nawa ye do. Là kô yó du kem gel dsù ye yóm hnebelu. Mom hyu nawahu ke hol tngón ye o. Tey hyu yó senta bè yó kem dsù gel hkekeb ye ebéléu.

Matyu 9:13

Hol hennagì ye dé lanen yóm sotu monen bè Sulat Dwata, ‘Keskodu dé yóm hol nóyóu bélê ye,’ mon Dwata, ‘là kô dsù du.’ Duhen ni se yóm nógówu edini ni,” mon Jisas, “là kô tnabahu kul yó du kem tau tedeng kmò le. Okóm yó tnabahu, yó kem tau gemsalà.”

Kem Udél Hlalak Tehe Selumun 17:15

Yóm tau bnoluyen tedeng yóm sidek ne yóm tau hensalaen yóm tau tedeng kmoen tódô senged yóm tey keklit Dwata kul.

Kul Nmò 13:27

Yó kem tau menwu bè Jirusalim kkólen bè yó kem tau gel malak kul, là kô dilô le du ke Jisas yóm deng nélék Dwata mò lemwà tekuy gu lem hatay. Ne là kô glileb le du snéen yóm tehe udél yó kem tehe gna tugod Dwata ekni, yóm gel senfala le bè ket Kdaw Kehegnô. Okóm bè yóm khatay le ke Jisas, yó se deng gónón dohò yóm udél gel senfala le yó.

Matyu 22:29

Bnalà Jisas se lu, monen, “Tey salà yóm kehedem ye. Yó duónen, là tngón ye du yóm nô lem yóm Sulat Dwata, ne là se tngón ye du yóm kfasang Dwata.

Kem Lingón 94:21

Ssotu atul le hemsidek yó kem tau tedeng, mom hatay kkukum le du yó kem tau laen dù salà le.

Sulat Jim 5:6

Deng dnuón ye yó kem tau laen dù salaen bélê ye, ngangen efet ghatay ye lu. Tódô le kem hegbayà bélê ye.

Kem Lingón 109:31

Yakà du gel mfi du yóm tau laen dù gónóhen htóbóng mò lemwà du lem hólól yó kem tau tô hmatay du.

Job 32:3

Bud lenbut Ilihu snéen yóm tlu kem wè Job lemwót bè yóm là khulung le malà ke Job. Lemwót bè yóm là khulung le malà du deng mom Dwata yóm hennulék le bè nim gfà Job.

1 Samwél 15:22

Ne yó balà Samwél du, monen, “Mahi du du yóm gónó Dwata hligal, yóm dsù hkekeb te ne yóm dumu dsù te kô, duhen ke bè yóm kimón te du? Kaem kimón ke Dwata yóm bong muhen senta yóm dsù hkekeb. Kaem yóm khungol te du, bong muhen senta yóm ubiha mabù dsù te ebéléen.

Mark 12:33

Là hyuhen ke là kenbong nawa tekuy ke Dwata, ne ke là hotu tekuy nawa tekuy ebéléen, ne ke là hmung tekuy du kehedem tekuy ne gel tekuy. Ne là hyuhen ke là kenbong nawa tekuy kem dumu tekuy lómón yóm kbong nawa tekuy yóm kut knô. Ke lolò tekuy ni kem lewu hlau ni, ni se tey bong muhen bè Dwata senta yó kem ógóf gel dsù tekuy ebéléen, dalang se yó kem dumu gel dsù tekuy.”