Matyu 12:50 - Udél Dwata: Gna Kesfasad ne Lomi Kesfasad

⁵⁰ Abay se yóm tau mimón yóm kun kóyô Mà bè longit, hol lómón ke twolihu ne libunu ne yéu.”

Matyu 12:50 Referans Kwoze

Kun Snulat Luk 8:21

Ne mom yó mon Jisas ebè yóm kdê le, monen, “Yó se tau hmungol yóm Udél Dwata ne mimón du, du se yéu ne kem twolihu.”

Mark 3:35

Yó se mimón yóm kun kóyô Dwata, yó se hol twolihu ne libunu ne yéu.”

Kun Snulat Jan 15:14

Weu yu ke nimón ye yóm hlauhu kuy.

Kun Snulat Jan 6:29

Ne bnalà Jisas se lu, monen, “Ni hol kóyô Dwata bélê ye ke hentahu ye yóm deng hógówen elem blóng ye.”

Matyu 28:10

Mon Jisas mò kul, “Bê ye abay hlikò. Na ye e tulón dou tu kem dumuhu setwoli anì mógów le ebè Galili. Ditu he gónó le mton do.”

Sulat Pol Ebè Yó Kem Tau Hemtahu Bè Rom 8:29

Lu se tu kem tau deng tehe eles néléken ne hetfingen mò heskélen bè yóm Ngaen. Yó gónón mò du yóm yó anì hol dê dumuhen setwoli yóm Ngaen twogu.

Kun Snulat Jan 6:40

Yó hol kóyô Mà ke benlayen klowil laen dù sónen yó kem tau dmilô yóm kun Ngà ne hemtahu béléen. Ne yó angat nmou bélê le, gotu hlowilu lu sok kól yóm hol són kdaw.”

1 Jan 2:17

Wen sónen nim benwu ni, dalang se yóm kdéen kenbeyen nawa nô lemen. Yóm tau gel mò yóm kun kóyô Dwata, laen kô dù tul sónen yóm kun klowil.

Matyu 25:40

Angat bnalaen se lu yóm Tau Hol Geta, monen, ‘Tódô tulónu kuy ktahuhen, yó se deng nmò ye bè yó kem dumuhu setwoli alì gdanà, lómón ke béléu gónó ye mò du yóm yó.’

1 Timuti 5:2

Senged se yó kem libun deng tmuha sentahem, lómón kmoem kul, lómón ke yéem. Dalang se ebè yó kem sawang libun, lómón kmoem kul, lómón ke hol libunem, ne béem nmò óngóhem lem blóng le.

1 Pitér 4:2

Yó gónóm mon, lenwóten ni ne efet kukol towok ye, yake hol nô bè nawa ye mò du yóm kun kóyô bélê ye Dwata. Bê ye abay bud nmung yó kem sidek knóyô lówó tau.

Glasya 6:15

Laen kô muhen yóm tnulì duhen ke là tnulì du. Yó dé hol bong muhen bè Dwata ke deng nô bélê tekuy yóm lomi klowil lemwót béléen.

Kun Snulat Jan 20:17

Ne mon Jisas mò du, “Béem tagad nogot ou he, abay se là denge mulék ebè Mà. Okóm mógówi dou ebè tu kem dumuhu setwoli, tulónem kul yóm naw kulék ebè Mà, yóm kul Mà snéen. Du se yóm dou Dwata, ne bud kul Dwata snéen.”

Deng Hegfan 22:14

Bong kehligal le kul yó kem tau deng eles nfuk le yó kem nes le efet deng mólós anì wen kwalis le ghusek bè bak tikeb yóm syudad yó, ne wen kwalis le snéen mken du yóm bungu yóm koyu hlowil tau.

Kulasi 3:11

Yó nefeten nim lomi klowil ni, laen dù bud gónón stólóng ne yóm tau Ju ne yóm tau là Juhen, yóm tau tnulì ne yóm tau là tnulien, yóm tau tólóng udélen, ne yóm tau laen dù tngónen, yóm tau klifen ne yóm tau là klifenen, abay se Krays yóm alì bong muhen bè kdéen, ne du se tendo nô bélê tekuy.

Glasya 5:6

Ke deng me ssotu bè Krays Jisas, laen kô muhen bélê me kum yóm htulì. Senged se ke wen, duhen ke là. Yó dé bong muhen bè Dwata, ke deng hol gfan bè yóm kesbong me nawa yóm kehtahu me.

Kul Nmò 17:30

Tehe yu ekni,” mon Pol, “là snolò Dwata du yó kem sidek nmò tau bè yóm klawi le là setngón ebéléen. Okóm nim kmoen ni, deng hnauhen yóm kdéen tau bè klamangen benwu anì hol knogol le yó kem sidek gel nmò le.

Matyu 17:5

Yóm igò Pitér tolo mudél, tódô lememek eta le yóm tey lobun sminang bukay, tódô gungol le yóm mudél gu lemen, monen, “Ni se hol dou Ngà, gónón nô nawahu. Tey kligalu béléen. Hol gel hnungol ye.”

Kem Lingón 22:22

Angat gel tulónu bè yó he kem dou kwen yóm deng gendengem béléu. Gel dóyónu uu lem blóng le, yó monu mò kul,

Hibru 5:9

Tikóng deng gotu nmoen yóm hmò Maen du, yó gónó Dwata hlan du tahen yóm kegewà tekuy gu lem hatay. Kdéen tau mimón du, gotu blayen kul yóm klowil laen dù sónen.

2 Kurin 11:2

Yó gónóhu tmulón du kuy nim ni, abay se sidek kélés nawahu kuy, hol lómón yóm kun kélés nawa kuy Dwata. Yó gónóhu e hmingón kuy, lómón ke sawang ye libun deng fen lenintihu ebè yóm sotu tau, duhen Krays.

Kul Nmò 26:20

Bè syudad Damaskus yóm hol tanay benwu gónóhu tmolok, ominu bud tmolok bè Jirusalim, efet lenngebu klamangen benwu yó kem tau Israél, ngangen ne efete tmolok lem blóng yó kem tau là Ju le. Yó gel monu bè yóm ktoloku, ‘Hegsel ye ne, ne nimón ye Dwata. Hdilô ye bè kmò ye yóm deng kehegsel ye.’

Matyu 25:45

Ne yó monen mò kul yóm Tau Hol Geta yó, ‘Tódô tulónu kuy ktahuhen, yóm là dog któbóng ye yó kem tau alì gdanà, lómón se yó ne yóm là dog któbóng ye dou.’

1 Kurin 9:5

Ne ke deng wen yehenu, wen kwalisu mit du bè yóm kógówu lómón yóm kul gel nmò yó kem dumu tau gel hógów Jisas, ne yó kem dumun setwoli yóm gónó tekuy mogot, dalang se ke Pitér.

Matyu 12:49

Ominen yó temdok ebè yó kem tau gel lemolò du, monen, “Ngem ni kem tau nii, hol lómón ke yéu ne hol lómón ke twolihu.

Matyu 13:1

Bè yóm kdaw yó, lemwót bè gónô Jisas, mógów etu bè kilil yóm lanaw, ne myón ne tmolok bè yó.