Matyu 12:45 - Udél Dwata: Gna Kesfasad ne Lomi Kesfasad

⁴⁵ Ominen na tódô bud lemwót, nan e nangay hitu dumuhen bud nô bè yó, bede yóm alì sidek egem le sentahen. Tikóng le deng kól, tódô le husek bè yóm tau gónó le nô. Yó gónóm mon, mom mkay senta yóm gna tehe alì ksidek kegnómen du. Lómón yó se yóm angat gfà le yó kem tau gel mò sidek nim kmoen ni.”

Matyu 12:45 Referans Kwoze

Kun Snulat Luk 11:26

Ominen tódô bud lemwót, hitu dumuhen yóm nan e nangay mò dumuhen bud nô bè yó, bede yóm sal gulé sentahen ksidek le. Tikóng le deng gefet bè yó, tódô le setnù bè yóm tau yó. Ya yóm tau yó, deng mom gulé ne yóm alì ksidek kegnómen du senta bè yóm gnan.”

Mark 5:9

Ne snólók Jisas yóm busaw, monen, “Tedu de boluyem?” Bnalaen se, monen, “Yó dou boluy ‘Genged’ abay se tey me wen.”

Mark 16:9

Timbow hol hlafus bè Akad, mowil Jisas. Bè yóm klowilen, nan ne gna hegfan bè yóm Midi lemwót bè Megdala, yóm libun tehe wen hitu busaw hdóhen gu béléen.

Hibru 10:39

Okóm tólóng yóm bélê tekuy, là mkél tekuy bè yó kem tau knogol le yóm kehtahu le, ne hlós le lana. Okóm henlel tekuy yóm kehtahu tekuy anì angat tekuy gewà gu lem hatay.

Matyu 23:24

Yu kem tau butô tô malak kem dumuhen butô, tey klolò ye du yó kem hlau lemnek, okóm là nimón ye kul yó kem hlau alì bong muhen.

Matyu 12:24

Timbow gungol yó kem Farisi nim mon le ni, mom mon le, “Là kô yó du. Kaem Seitan yóm htulus du yó, yakà són du Seitan kul ogot yó kem tulus sidek.”

Ifisus 6:12

Abay se là kô tau du yóm nit tekuy sfatay, okóm yóm dê mtulus gel dók Seitan gu te kmawang. Ne wen se kfasang le mkem yóm tey kkifuhen.

Matyu 23:15

Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Glok ye mifal mohin mógów bè yó kem dumu benwu mayuk na a mebel bà tek sotu tau mò lemolò kuy. Bè yóm kloloen kuy, deng mom mkay senta yóm ksidek yóm kuy nmò yóm kun ksidek nmò. Yó gónóm mon, knóón bélê ye nô lem lanaw ofi.

Matyu 12:44

yó mon yóm tulus seitan yó, ‘Na bud mulék dé ebè yóm tehe gónóhu lemwót.’ Tahu se. Bè yóm kkólen bè yó, tódô tonen laen kô dù nô du, deng mólós, ne minggel kestifesen yóm tehe gónóhen nô yó.

Matyu 17:21

Okóm yóm tulus seitan malak yóm ngà yó koni, tek sotu hdó du, tek són yóm kni ye bè Dwata, mung du yóm kfasting ye.”