Matyu 12:43 - Udél Dwata: Gna Kesfasad ne Lomi Kesfasad

⁴³ “Ke deng mdó bè yóm tau yóm tulus seitan gel malak du, yó lanen semibet gu lem bnes mebel gónón e hegnô. Okóm ke laen dù bang tonen,

Matyu 12:43 Referans Kwoze

Matyu 8:29

Timbow ton le Jisas ni kem lewu tau ni, ya tey sidek klangat le, mon le mò du, “Uu se Ngà Dwata. Tedu tô nmoem bélê me ni du? Nam e kendel tô tnafak mi kô gu laanen là deng hto yóm hol bantangem mò du?”

Isaya 41:18

Yó angat nmou, angat wen tey él hlelu lemwót gu lem tu kem bulul tehe wen él le. Ne angat wen se kem él hetbulu gu lem sbongen. Ne yóm benwu tehe là hyu menwu du, angat wen busung él nmou bè yó. Ne yóm tonok mékéng tehe laen dù élen, angat wen sfut élen.

Job 2:2

Omin Dwata smólók ke Seitan, “Gónóm gu de?” Bnalà Seitan se, monen, “Snolò tenngelu yóm mò kmoen ditu talak tonok.”

Job 1:7

Snólók Dwata Seitan, “Gónóm gu de?” Bnalà Seitan se, monen, “Snolò tenngelu yóm mò kmoen ditu talak tonok.”

1 Pitér 5:8

Bê kuy abay gel hlingay, hol ye eles htigel. Abay se wen Seitan yóm hohon ye, sónmoen mebel yóm tau mò hensideken, lómón yóm liyun, sónmoen mebel kenfóen mò nséken.

Kul Nmò 8:13

Balù se ke Simun, botong gbót hemtahu se kun. Kogol yóm kehbabtaysen, tódô hlós mung ke Filip. Tey kehtawen yó kem hentaw ton gel nmò Filip.

Kem Lingón 63:1

Ó Dwata, uu se yóm hol dou Dwata, tey khahuu kóm. Tey kesgalu nawahu kóm. Hol lómó kegnómu du, hol lómón yóm tonok mékéng là buden hyu, balù udì ke méfê. Hol lómón yó se kegnómu du bè yóm khahuu kóm.

Matyu 12:44

yó mon yóm tulus seitan yó, ‘Na bud mulék dé ebè yóm tehe gónóhu lemwót.’ Tahu se. Bè yóm kkólen bè yó, tódô tonen laen kô dù nô du, deng mólós, ne minggel kestifesen yóm tehe gónóhen nô yó.