Matyu 12:41 - Udél Dwata: Gna Kesfasad ne Lomi Kesfasad

⁴¹ Bè yóm kdaw angat kkukum Dwata tau, tódô le sbung mdà bè yó se kul yó kem tau là Ju le lemwót bè Ninibi, ne angat nsel le yu. Anam yó ne, tek olo Juna he yóm tehe hetngón du kul yóm udél lemwót bè Dwata, ewenem yó, sana kehegsel le, ne tódô tnagak le yóm sidek gel nmò le. Ne deng wen yóm mkay senta Juna deng kól lem blóng ye bè ni, okóm deng mom henda ye.

Matyu 12:41 Referans Kwoze

Matyu 12:42

Bè yóm kdaw angat kkukum Dwata tau, angat mdà bè yó se kun yóm tehe libun boi là Juhen lemwót bè benwu Siba, ne nselen yu. Tehe gloken milo lemwót gu bè kun benwu là sekna lanen na a hemklingu ke Selumun, yóm tehe sotu tau hol geta bélê tekuy ekni, yóm alì hulung hmau. Ne deng wen ne yóm mkay senta Selumun deng kól lem blóng ye bè ni, okóm deng mom henda ye.”

Hibru 11:7

Senged se ke tehe Nuwa ekni. Lemwót bè kehtahuhen gónón tódô mimón du yóm eles hetgama Dwata du bè yóm sut bélê le, balù yóm là deng ktonen du. Tódô nimónen Dwata, duhen yóm kmoen kafal bong mò gónó le nô yó kem fes lówóhen anì là matay le. Yó uléken yóm kimónen yó, gotu le megtuled yó kem dumu tau là hemtahu le. Bong ke Nuwa, tedeng kton Dwata du lemwót bè yóm kehtahuhen béléen.

Sulat Pol Ebè Yó Kem Tau Hemtahu Bè Rom 2:27

Lemwót bè yóm fen kimón le yóm hlau Dwata yó kem tau là Ju le anien he ke là tnulì le, yó se gónó le angat dmuón kuy yu kem tau Ju bè yóm kulé ye yóm hlau deng snulat ye, igoen yu he yó kem tau deng nfun Dwata.

Kun Snulat Jan 3:31

Bud mon Jan, “Hol lemwót bè longit se ke Jisas, du se hol geta bè kdéen. Yóm tau te tonok, són olo tngónen yóm nô te tonok, ne són yó se yóm tendo gel tulónen. Okóm yóm lemwót gu bè longit, du se yóm hol geta bè kdéen.

Matyu 12:6

Tódô tulónu kuy, deng wen kól lem blóng ye yóm mfasang senta yó kem dê hlolò le kuy bè Gónô Dwata.

Juna 1:2

yó monen mò du, “Ó Juna, mógówi etu bè Ninibi bè yóm tey syudad bong, nam e tulón yó kem tau bè yó yóm deng khulenu kul lemwót bè yóm deng kgulé yóm sidek nmò le.”

Jirimaya 3:11

Ominen yó bud mudél ebéléu yóm sana Dwata hol gónó mogot, monen, “Balù yóm deng kkogol le dou yó kem tau Israél, sidek senta yó he yóm kul nmò yó kem tau Juda bè yóm là kteneb le ebéléu.

Kun Snulat Jan 4:12

Yóm tehe fù tekuy Jakub ekni, du se tehe tmebel du bélê me nim kokol ni. Tódô kdê le se tehe minum bè ni, le Jakub, ne kem ngaen, ne kem ógófen. Getahi senta Jakub kô kóm du?”

Kun Snulat Luk 11:32

Bè yóm kdaw angat kkukum Dwata tau,” mon Jisas, “angat le sbung mdà bè yó se kul yó kem tau là Ju le tehe lemwót bè Ninibi, ne angat nsel le yu. Anam yó ne kul, tek olo Juna he yóm tehe hetngón du kul yóm udél lemwót bè Dwata, ewenem yó, sana kehegsel le, ne tódô knogol le yóm sidek gel nmò le. Deng wen yóm mkay senta Juna deng kól lem blóng ye bè ni, okóm deng mom henda ye.”

Matyu 23:36

Tódô tulónu kuy ktahuhen, angat tnafak Dwata yu, yu kem tau kmoen ni, bè yóm kdê deng tehe matay bnonok.”

Matyu 17:17

Omin Jisas mudél, monen, “Yu kem tau kmoen ni, alì ye hemda. Gel sekban yóm kehedem ye. Deng tey kegenu ne nô lem blóng ye, ne deng tey kehlawihu nawahu bélê ye. Nitem edini kun yóm ngaem.” Tahu se, niten ebéléen.

Matyu 16:4

Hol monu sidek tau nim yu! Bà udì ke wen nawa ye ebè Dwata. Móyô ye kô ke wen hentaw ton nmou lem blóng ye? Laen kô dù bud nmou ne, tek són nmou lem blóng ye, són yóm hentaw ton tehe ton le bè Juna ekni.” Ominen tódô tmagak kul.

Matyu 12:45

Ominen na tódô bud lemwót, nan e nangay hitu dumuhen bud nô bè yó, bede yóm alì sidek egem le sentahen. Tikóng le deng kól, tódô le husek bè yóm tau gónó le nô. Yó gónóm mon, mom mkay senta yóm gna tehe alì ksidek kegnómen du. Lómón yó se yóm angat gfà le yó kem tau gel mò sidek nim kmoen ni.”

Matyu 12:39

Bnalà Jisas se lu, monen, “Tey sidek yó kem tau kmoen ni. Balù udì ke wen nawa ye ebè Dwata. Móyô ye kô ke wen hentaw ton nmou lem blóng ye? Laen kô dù bud nmou ne. Tek són nmou lem blóng ye, són yóm hentaw ton tehe ton le bè Juna ekni, yóm sotu tehe gna tugod Dwata.

Isaya 54:17

Okóm laen kô dù ngom sfatay gembek hemsidek kuy. Sal gel wen balaem kul yó kem tau dmuón kuy hkawang. Sal gel nfihu yó kem dou tau tóbóng lówó ne sal gel hegmou lu bè hohon le.” Ni se udél yóm Dwata hol gónó mogot.

Juna 3:4

Botong sendaw Juna mógów lem yóm syudad yó, ominen yó hetngón du kul yóm udél Dwata ebélê le, yó monen, “Tek fat folò buteng duen kegbà Dwata yóm syudad Ninibi.”