Matyu 12:40 - Udél Dwata: Gna Kesfasad ne Lomi Kesfasad

⁴⁰ Bè yóm tlu buteng Juna nô lem blutut yóm tey utón bong lem mohin, yó hnigaden yóm tlu butengen angat nô lem lebeng yóm Ngà Tau.

Matyu 12:40 Referans Kwoze

Juna 1:17

Bè yóm kbot le ke Juna yó, wen tey utón bong dók Dwata mò na a hemlo du. Botong tlu buteng Juna nô lem blutut yóm utón yó.

Kun Snulat Jan 2:19

Yó balà Jisas kul, monen, “Genbà ye dé nim Gónô Dwata ni, bè tlu kdaw sana bud hdau.”

Matyu 17:23

mò hfatay le. Okóm bè getluhen kdaw, bud hlowil Dwata.” Bè yóm ktulón Jisas du kul nim ni, ya tey sidek keblat nawa le du yó kem gel lemolò du.

Matyu 27:40

mon le, “Uu kun tô gembà du yóm Gónô Dwata, ne tek tlu kdawem bud hdà du. Yó ne, lenwaem knóem kun ke tahu uu se yóm Ngà Dwata. Kmóhi elaan dé.”

Matyu 16:21

Nbuten bè yó ne, tódô gel hnakang Jisas tmulón du bè yó kem gel lemolò du yóm angat keglayamen, monen, “Là gbeku du ke là mógówe ebè Jirusalim. Bè yóm kkólu bè yó, angat hnayam le o yó kem tuha gónó tekuy gel galak, ne yó kem tau geta gel demsù ebè Dwata, ne yó kem tau gel tmolok hlau. Ngang le mò du efet hfatay le ou. Okóm bè getluhen kdaw, angat bud hlowil Dwata o.”

Kem Lingón 63:9

Yó kem tau tendo malu hmatay dou, angat le mógów ebè yóm benwu yó kem tau deng matay.

Matyu 8:20

Mom yó balà Jisas du, monen, “Wen lefunges kul gel nulék yó kem bolos, ne mdengen kul sala yó kem onuk koyu, okóm yóm Ngà Tau, laen dù mdengen gónóhen hegnô.”

Matyu 12:8

Yóm Ngà Tau, du se wen kwalisen fen tmolok du kuy yóm hyu mò du bè yóm Kdaw Kehegnô.”

Matyu 28:6

Là buden nô bè ni ne. Deng hlowil Dwata lómón yóm tehe mon Jisas mò kuy. Ngem ni hnénég ye yóm tehe gónón masà.