Matyu 12:4 - Udél Dwata: Gna Kesfasad ne Lomi Kesfasad

⁴ Tódô husek bè Gónô Dwata Dabid, ne nwahen yóm mambang deng blay le ebè Dwata, ne ominen mken du dalang se yó kem kun tau. Blaem bè yóm hlau tekuy, là kóen hyu kken tau hkawang du yóm mambang yó, tek són yó kem gel demsù ebè Dwata gel mken du. Ewenem, là kô duón Dwata du kul yóm kken le du.

Matyu 12:4 Referans Kwoze

1 Samwél 21:4

Ne yó balaen ke Dabid yóm tau blóng ebè Dwata yó, monen, “Laen dù mambang hkawang nô béléu bè ni, són yóm mambang deng dsù ebè Dwata. Blayu kóm nim ni ke là deng wen sentungô le libun yó kem tauhem.”

1 Samwél 21:6

Tahu se, lemwót bè yóm klaen dù dumu ken bè yó, tódô blay yóm tau blóng ebè Dwata ke Dabid yóm mambang deng sù le bè solu Dwata lem Gónóen, yóm mambang lomi nwa le ta yóm lemisa Dwata ne bud gel tles le du yóm mambang hanà kinì lomi nmò.

Matyu 12:3

Bnalà Jisas lu, monen, “Deng hónô senfala ye yóm tehe nmò Dabid ne yó kem kun tau bè yóm tehe kbitil le.

Matyu 12:5

Ne sotun,” mon Jisas, “deng hónô senfala ye snéen bè yóm tehe snulat Musis gbak ebè yó kem tau gel demsù ebè Dwata. Bè yóm Kdaw Kehegnô, tódô henlel le mò nmò bè Gónô Dwata se kul, okóm là se kô duón Dwata du kul.

Mark 2:26

Tódô husek Dabid bè Gónô Dwata, uma kóm Abiyatar yóm hol geta bè yó kem gel demsù ebè Dwata bè yóm kdaw yó. Ne nwa Dabid yóm mambang deng blay le ebè Dwata, ne ominen mken du. Blaem bè yóm hlau tekuy, là kóen hyu kken tau hkawang du yóm mambang yó, tek són yó kem gel demsù ebè Dwata mken du. Ewenem ke Dabid, botong kenen, ne benlayen se yó kem tauhen. Bede là kô duón Dwata du kul yóm kken le du.”

Kun Snulat Luk 6:4

Tódô husek Dabid elem yóm Gónô Dwata, ne nwahen yóm mambang deng blay le ebè Dwata, ne ominen mken du, ne benlayen se yó kem tau nalaken. Blaem bè yóm hlau tekuy, là kóen hyu kken tau hkawang du yóm mambang yó, tek són yó kem tau gel demsù ebè Dwata gel mken du. Ewenem, là kô duón Dwata du kul yóm kken le du.”

Hibru 9:2

Yóm gónô hdà le yó, Gónô Dwata gel nit le mógów. Wen lewu dfélen. Yóm tanay dfélen, boluy le du Dfél hetfing ebè Dwata. Wen soloken, ne wen lemisahen mò gónó le gel hmasà yóm mambang mò blay le ebè Dwata.