Matyu 12:35 - Udél Dwata: Gna Kesfasad ne Lomi Kesfasad

³⁵ Yóm tau hyu, hyu kebkóhen lemwót bè yóm hyu gel suen lem hendemen. Yóm tau sidek, sidek kebkóhen lemwót bè yóm sidek gel suen lem hendemen.

Matyu 12:35 Referans Kwoze

Kulasi 4:6

Hol gel hninggel ye kmò kestulón ye bélê le anì wen gónó le beyen hmungol kuy. Hol tekuy hfulung malà kul ke wen snólók le.

Kem Udél Hlalak Tehe Selumun 15:28

Yóm tau tedeng kmoen nan gel hendem yóm mò kbalaen kem dumun, okóm yóm tau gel mò sidek tódô faen lemgas yó kem udél sidek.

Kem Udél Hlalak Tehe Selumun 15:4

Yóm udél hemyu nawa tendo lenowilen tau, okóm yóm udél wen keseblékê nô du, henblaten nawa tau.

Kulasi 3:16

Hol sù ye bè nawa ye yóm tey hyu gel dnalang ye gbak ebè Krays. Hol ye gel stolok ne seflau lemwót bè yóm khulung ye hedem. Ne gel sngal ye dé yó kem lingón nô bè bok Lingón, dalang se yó kem dumu sngal Dwata. Semngal ye ebè Dwata, hol hmung ye du snéen yóm alì kdóyón ye du.

Matyu 12:34

Ya nim yu kem tau, knawa ye ulal. Yó gónón sidek kebkó ye, abay se hono sidek yóm nô lem hendem ye. Yó se nô lem hendem yóm tau, yó se sut bè sumóngen.

Ifisus 4:29

Béen sidek kbak tekuy. Són yó dé olo mon tekuy yóm hyu, són yóm udél wen gónón gemtóbóng kem dumu tekuy, yóm udél hol gemduf kul, mò gónó le dmalang. Yó dé olo benkó tekuy yóm udél wen muhen bè yó kem tau hmungol tekuy.

Kem Udél Hlalak Tehe Selumun 15:23

Hyu nawan yóm tau ke knóón kbalaen udél sotu tau ne ke gmonen yóm udél segtón ebè yóm nmò.

Kem Udél Hlalak Tehe Selumun 12:6

Lemwót bè yóm ktifù le kéng yó kem tau gel mò sidek gónó le gemhatay tau, okóm yóm kul udél yó kem tau tedeng kmò le fen lemwà kul.

Matyu 13:52

Bud mon Jisas, “Yóm tau gel tmolok hlau gnan, ke deng gfi bè kogot Dwata tau, hol lómón ke du yóm tau wen kimu labihen, ne wen kimu lomihen deng denfélen bè gónóen mò gónóhen gel ma yóm wen muhen du.”

Matyu 7:17

Yóm koyu hyu, hyu se kbunguhen. Dalang se yóm koyu sidek, sidek se kbunguhen.

Kun Snulat Luk 6:45

Yóm tau hyu, hyu se kebkóhen lemwót bè yóm hyu nô lem hendemen. Yóm tau sidek, sidek se kebkóhen lemwót bè yóm sidek nô lem hendemen. Yó se gel nô lem hendem yóm tau, yó se gel lemwà bè sumóngen.”