Matyu 12:28 - Udél Dwata: Gna Kesfasad ne Lomi Kesfasad

²⁸ Là kóen na a lemwót bè Seitan yóm kehdóhu tulus sidek, okóm tódô lemwót bè yóm kehtulus Dwata do yóm kegbeku mò du. Ne ni gónó ye temngón du yóm deng kkólen lem blóng ye yóm kogot Dwata tau.

Matyu 12:28 Referans Kwoze

Kun Snulat Luk 11:20

Tódô lemwót bè yóm kehtulus Dwata do yóm kegbeku hdó busaw. Ne ni se gónó ye temngón du yóm deng kkólen lem blóng ye yóm kogot Dwata tau.

Danyél 7:14

Yó nmò yóm Tuha yó, benlayen kwalis ne tey kehegetahen du, mung du yóm kfasang mogot klamangen benwu anì tódô kdéen tau, balù kihu but ktau le, balù kihu benwu le, balù kihu udél le, gotu mimón du. Yóm kkamalen benwu, laen kô dù nan e són ne là kóen gbà yóm kogoten tau.

Matyu 21:43

Tódô tulónu kuy,” mon Jisas, “lemwót bè yóm kekbê ye du yóm botu yó, là kô ye bud gmung ne bè yó kem tau nogot Dwata. Yó bud tles nogoten yó kem tau mò du yóm nóyóen.

Matyu 6:33

Ni dé hol nmò ye. Hol hogot ye ke Dwata klowil ye, ne hol nmò ye yóm gel hmoen kuy. Ke yó se nmò ye, Dwata he angat bemlay du kuy yó kem kdê wen mu ye du.

Kul Nmò 10:38

Deng tngón ye se Jisas, tau lemwót bè Nasarit. Tódô sù Dwata béléen yóm kun Tulus, ne tey kfasang blayen du. Tódô keten benwu bélê me gónón e solu, ne hono hyu yóm gel nmoen. Gotu kóhen bè yó kem tau yóm kfasang Seitan malak kul. Yó gónón gembek mò du yóm nmoen yó, abay se tendo nô béléen Dwata.

Kulasi 1:13

Deng lenwà Dwata tu gu lem yóm deng nogot Seitan, ne deng nilihen tu elem yóm kun nogot yóm Ngaen hol gónóhen nô nawahen.

Sulat Pol Ebè Yó Kem Tau Hemtahu Bè Rom 14:17

Bè yóm kogot Dwata tau, là mlanen bè yóm gel ken ne ninum tekuy. Okóm mlan bè ktedeng nawa, ne kenek nawa, ne yóm kligal blayen tekuy yóm Tulus Dwata.

Kun Snulat Luk 16:16

Gu laanen là deng sut yóm Jan gel mabtays,” mon Jisas, “són yó gel hlolò le yó kem tau, són yó kem tehe hlau Musis, ne són yó kem tehe snulat yó kem gna tugod Dwata. Okóm bè yóm deng ksut Jan, nbuten bè yó ne wen Tulón Hyu hetngón le gbak ebè yóm kmò kogot Dwata tau. Bè yóm kungol le du yó kem tau, hotu le gel le anì gmung le.

Mark 1:15

Yó gel tulónen, monen, “Ni se deng bang kgefeten yóm kuy kdaw. Móyónen hto ne yóm buteng Dwata mogot tau. Hegsel ye ne, knogol ye lu ne yó kem sidek gel nmò ye, ne hol hentahu ye yóm Tulón Hyu lemwót bè Dwata.”

Matyu 21:31

Bud mon Jisas, “Mahi du de bélê le mimón ke mà le?” Ne mon le se, “Yóm ngaen twogu.” Omin Jisas bud mon du mò kul, “Tódô tulónu kuy, mom gna mung bè yó kem tau nogot Dwata yó kem tau gel mtuk bwis, ne yó kem libun hdóyón. Là kuy, là kô ye na a gmung.

Kun Snulat Luk 9:2

Ominen hógów kul mò na a hetngón yóm kogot Dwata tau, ne hlós lan le hkó des yó kem tau.

Mark 16:17

Yó kem tau hemtahu béléu,” mon Jisas, “angat wen ktued blay Dwata kul anì wen hentaw ton nmò le. Angat gbek le hdó busaw bè yó kem tau lengel mata hlan le bè dou boluy. Ne angat gbek le tódô mudél yóm udél là deng kul dnalang du.

Danyél 2:44

Bè yóm igò le tolo mogot benwu yó kem tau hol geta monu yó koni, yó nmò yóm Dwata nô bè longit, hetfingen yóm kun kogot tau ne laen dù gembek sembeweg du yóm kun kogot efet kól bè sónen ne laen se dù tau tles mogot du. Okóm yóm tau mogot yóm benwu yó, angat tódô gotu msulék genlaen yóm kul nogot, nmoen són le. Okóm yóm kun nogot, laen kô dù nan e són.

Hibru 12:28

Duhen yó, hol dóyón tekuy dé Dwata, abay se angat tekuy gomong bè yóm kun benwu nogot, yóm benwu là megsinsigen. Hol tekuy hloni ebéléen dé ni kmoen ni, hlan tekuy bè yóm kun kóyô bélê tekuy, hmung tekuy du snéen yóm hol kadat tekuy du ne yóm klikò tekuy mulé du,

Kun Snulat Luk 10:11

‘Nim tonok lemwót bè kuy benwu demket bè ti me ni, klé me mò ilô yóm angat ktafak Dwata kuy. Okóm ni bê ye abay klifót, deng tô moni bélê ye ne yóm kogot Dwata tau.’

Mark 11:10

Dwata he tmóbóng du bè yóm angat kkamalen yóm tehe kun benwu nogot yóm tehe fù tekuy Dabid ekni. Hol dóyón tekuy dé Dwata.”

Matyu 12:18

“Ni se yóm tau tóbóng lówóhu, yóm deng néléku. Tey bong nawahu du, ne tey kligalu béléen. Angat tódô suu béléen yóm dou Tulus, ne angat heglalagen bè yóm kdéen tau yóm ktedeng kogotu kukum.

Matyu 4:24

Deng tódô tfengen ebè klamangen prubinsya Sirya gónó le mungol du yóm nmò Jisas. Yó gónóm mon, gotu nwit le ebè Jisas kdê yó kem tau gemnóm des, yó kem tau semlaw kkólen bè yó kem tau lengel mata, ne yó kem tau snidaf, ne yó kem tau matay sfu lówó le, gotu hkó Jisas des le.

Matyu 12:29

Yóm kul ogot yó kem tulus seitan,” mon Jisas, “hol lómón yóm tau kemgis. Laen kô dù tau gusek elem gónóen na a ma yó kem kimuhen ke là nan gna nfét du yóm tau kemgis yó. Ke deng gféten, yó he kegwahen yó kem nóyóen lem gónóen. Hol lómón yó se yóm deng nmou bè Seitan.

1 Jan 3:8

Okóm yóm tau senflósen mò salà, du se kun tau Seitan, yakà Seitan du yóm hol mò salà lemwót bè kbuten. Yó se gónón tehe hbaling tau yóm Ngà Dwata nan e nmò sónen yóm nmò Seitan.