Matyu 12:27 - Udél Dwata: Gna Kesfasad ne Lomi Kesfasad

²⁷ Ke mon ye lemwót bè Seitan yóm kehdóhu tulus sidek, wen snólóku bélê ye. Tedu se gónón lemwót yóm kehdó le tulus seitan yó kem gel lemolò kuy? Tau du de gel htulus kul? Ke là lemwóten bè Seitan yóm kul kegbek hdó tulus sidek, yó se gónón gdilô yóm ksalà kehedem ye.

Matyu 12:27 Referans Kwoze

Sulat Pol Ebè Yó Kem Tau Hemtahu Bè Rom 3:19

Nim udél Dwata ni koni, deng tngón tekuy se yóm kegbaken ebélê tekuy kem Ju, kem tau gónó Dwata hemsù yóm hlauhen. Angat gotu hdaen bè soluhen yóm kdéen tau bè klamangen benwu. Yó gónóm mon, laen dù lan tekuy kembê du ke tnafak Dwata tekuy bè yóm kulé tekuy yóm kun hlau.

Kun Snulat Luk 11:19

Ke tahu se yóm gel mon ye yó, wen snólóku bélê ye. Tedu de gónón lemwót yóm kul kegbek hdó busaw yó kem gel lemolò kuy? Ke là lemwóten bè Seitan yóm kul kegbek hdó busaw, yó se gónón gdilô salà kehedem ye.

Kun Snulat Luk 19:22

Ne yó mon yóm tau kól yó, ‘Tey bakà nim uu. Bè yóm udélem yó gónóhu tmuled kóm. Igoem sem temngón du gele móyô smolò, gel nwahu yóm là do du, ne gel nutahu yóm là do hulu du.

Matyu 4:24

Deng tódô tfengen ebè klamangen prubinsya Sirya gónó le mungol du yóm nmò Jisas. Yó gónóm mon, gotu nwit le ebè Jisas kdê yó kem tau gemnóm des, yó kem tau semlaw kkólen bè yó kem tau lengel mata, ne yó kem tau snidaf, ne yó kem tau matay sfu lówó le, gotu hkó Jisas des le.

Matyu 9:34

Okóm kul yó kem Farisi, mom yó kmon le du, “Kaem lemwót bè Seitan yóm kul ogot yó kem tulus sidek, yóm kfasangen hdó tulus seitan yóm tau yó.”

Matyu 10:25

Hyu nawahen yóm tau dmalang ke deng guliten yóm tau tmolok du. Ne yóm tau mò nmò, hyu nawahen ke deng guliten yóm amohen. Ke Seitan boluy le du yóm gónó ye mogot, milud he ksidek udél le ebélê ye, yu kem mogot béléu.”