Matyu 12:26 - Udél Dwata: Gna Kesfasad ne Lomi Kesfasad

²⁶ Duhen yó, ke sónmò le sfatay yó kem tau nogot Seitan, deng mesgólól ne nawa yó kem tau nogoten, ne yó se angat gónó le meglà.

Matyu 12:26 Referans Kwoze

Kulasi 1:13

Deng lenwà Dwata tu gu lem yóm deng nogot Seitan, ne deng nilihen tu elem yóm kun nogot yóm Ngaen hol gónóhen nô nawahen.

1 Jan 5:19

Deng tngón tekuy ne yóm kfun Dwata tekuy. Yó kem dumu tau nô lem benwu, hono kem kun tau nogot Seitan.

Deng Hegfan 16:10

Ne lemwót yóm glimu hógów Dwata koken se kun tukung eta yóm gónón myón kmamal yóm lóbô tanay sut yó. Ne tódô baling mget kifu bè klamang benwu nogoten. Ne yó kem tau nogoten, gotu gesfà le dilak le lan le alì tendo heslaf bè yóm tenduk le.

Deng Hegfan 12:9

Tódô tudà le etalak tonok yóm swaga hulô yó, yóm tehe ulal là kna lemwót bè kbuten, duhen Seitan, yóm alì hulung dmelem, yóm alì hulung smukat yó kem tau bè klamangen benwu. Tódô tudà le etalak tonok, mung du yó kem gel hógówen.

Deng Hegfan 9:11

Uma kóm wen yóm hol geta malak kul yó kem tlangas yó, duhen yóm sotu hógów Seitan, yóm fen mogot yóm sol leyóng. Yó boluyen bè udél Hibru, Abadon. Ne bè udél Grik, Apolyon. Yó lanen yóm boluyen yó, “Gemlà.”

2 Kurin 4:4

Là hentahu le du abay se nseng Seitan kehedem le. Du se kul dwata yó kem tau là hemtahuhen. Yó gónó Seitan mseng kehedem le anì là dilô le du yóm tey layag hmilol kul, yóm layag lemwót bè yóm Tulón Hyu gbak ebè yóm tey klinggel Krays. Bè Krays se hol gónó tekuy dmilô du yóm kun kmò Dwata.

Kun Snulat Jan 16:11

Angat hdilóen kul snéen yóm angat ktafak Dwata kul. Ngem yóm Seitan, yóm fen mogot klamangen, deng eles nô tahen ne tuled Dwata du.

Kun Snulat Jan 14:30

Là buden hol legen ne yóm kestulón tekuy, abay se móyónen sut ne Seitan, yóm fen mogot klamangen. Laen kô dù kfasangen béléu kun.

Kun Snulat Jan 12:31

Deng hto ne yóm buteng kkukum Dwata kul yóm kdéen tau bè klamangen benwu, ne yóm kkóhen du bè Seitan yóm kfasangen mogot benwu.

Matyu 4:10

Bnalà Jisas se, monen, “Mdóhi bè ni, Seitan! Yakà deng monen du bè Sulat Dwata, ‘Béem tnilów Dwata yóm gónóm mogot ne són du hol nimónem.’ ”

Matyu 9:34

Okóm kul yó kem Farisi, mom yó kmon le du, “Kaem lemwót bè Seitan yóm kul ogot yó kem tulus sidek, yóm kfasangen hdó tulus seitan yóm tau yó.”

Matyu 13:19

Ke wen tau mungol du yóm tulón bè kmò kogot Dwata tau, ne là dog hendem le du lanen, hol lómón ke yóm bnék temsik ebè lan. Tódô sut Seitan, nwahen bélê le yóm udél deng gungol le.