Matyu 12:2 - Udél Dwata: Gna Kesfasad ne Lomi Kesfasad

² Timbow ton yó kem Farisi, mon le mò ke Jisas, “Tenngelem dé yó kem gel lemolò kóm, deng mom nulé le yóm hlau tekuy bè yóm Kdaw Kehegnô yóm nmò le yó.”

Matyu 12:2 Referans Kwoze

Matyu 12:10

Wen sotu tau nô bè yó kimoy doli sigelen. Ne wen se kem dumu tau nô bè yó mebel le lan le dmuón ke Jisas, mon le mò du, “Gsalà bè yóm hlau tekuy kô yóm hkó des bè yóm Kdaw Kehegnô?”

Kun Snulat Luk 14:3

Ne snólók Jisas yó kem tau gel tmolok hlau ne yó kem Farisi, monen, “Là sideken bè hlau tekuy kô ke hkó tekuy des bè Kdaw Kehegnô?”

Kun Snulat Luk 23:56

Omin le yó mulék, hentifes le yóm alì minggel boohen angat sù le bè lówóhen, duhen yó kem dê kay doun ne hboo. Okóm laen dù nmò le bè yóm Kdaw Kehegnô, ulit le bè yóm kul hlau.

Isaya 58:13

Yó bud udél Dwata, monen, “Hyu ke hol nadat ye yóm Kdaw Kehegnô ne ke là kulel kebel ye filak bè yóm kdaw yó. Hyu ke hol bong muhen bélê ye yóm dou kdaw yó ne ke là wen gónó ye e solu ne là wen gel nmò ye ne là mon ye du yó kem udél laen dù muhen.

Matyu 12:3

Bnalà Jisas lu, monen, “Deng hónô senfala ye yóm tehe nmò Dabid ne yó kem kun tau bè yóm tehe kbitil le.

Mark 2:24

Timbow mton yó kem Farisi, mon le mò ke Jisas, “Tenngelem dé yó kem gel lemolò kóm, deng mom nulé le yóm hlau tekuy bè Kdaw Kehegnô yóm nmò le yó.”

Kun Snulat Luk 6:2

Okóm wen kem Farisi smólók kul, mon le, “Moen de ke nmò ye yóm gónó ye gemgulé du yóm hlau tekuy bè Kdaw Kehegnô?”