Matyu 12:18 - Udél Dwata: Gna Kesfasad ne Lomi Kesfasad

¹⁸ “Ni se yóm tau tóbóng lówóhu, yóm deng néléku. Tey bong nawahu du, ne tey kligalu béléen. Angat tódô suu béléen yóm dou Tulus, ne angat heglalagen bè yóm kdéen tau yóm ktedeng kogotu kukum.

Matyu 12:18 Referans Kwoze

Isaya 42:1

Yó udél Dwata, monen, “Ni sii yóm tau dou tóbóng lówó, yóm tau tendo ten-gelu. Du se néléku ne tey hyu nawahu ebéléen. Deng suu béléen yóm dou Tulus. Ne du mit yóm kukum tedeng bè ket benwu.

Kun Snulat Luk 4:18

“Deng nô béléu yóm kun Tulus Dwata, abay se deng néléken o mò fen hetngón du bè yó kem tau élél yóm Tulón Hyu lemwót gu béléen. Deng hógówen ou ebè yó kem tau deng nfét mò fen hetngón du kul yóm lan le gewà. Hógówen o ebè yó kem tau butô anì bud le mton, ne ebè yó kem tau hen-gnok anì gewà le.

Kul Nmò 10:38

Deng tngón ye se Jisas, tau lemwót bè Nasarit. Tódô sù Dwata béléen yóm kun Tulus, ne tey kfasang blayen du. Tódô keten benwu bélê me gónón e solu, ne hono hyu yóm gel nmoen. Gotu kóhen bè yó kem tau yóm kfasang Seitan malak kul. Yó gónón gembek mò du yóm nmoen yó, abay se tendo nô béléen Dwata.

Kun Snulat Jan 3:34

Yóm tau hógów Dwata yó, udél Dwata tulónen, abay se tódô sù Dwata béléen yóm kun Tulus.

1 Pitér 2:4

Hol ye hloni ebéléen dé. Du se yóm bemlay du kuy yóm klowil laen dù sónen. Hol lómón ke du yóm botu deng kenbê yó kem tau gel hemdà gónô, ofo kul ke botu laen dù muhen. Igoen du he yóm botu bong muhen deng nélék Dwata.

Isaya 52:13

Yó udél Dwata, monen, “Yóm tau tóbóng lówóhu, angat gdengen yóm hmou du ne tey kehegetahu du.

Isaya 11:2

Yóm tau monu yó, angat tey kbeyenen béléen yóm Tulus Dwata. Yó se gónón lemwót yóm khulungen hedem ne yóm khulungen mit yó kem tau nogoten. Angat tngónen yóm kun kóyô Dwata ne angat wen klikoen mulé du.

2 Pitér 1:17

Tehe me nô béléen bè yó bè yóm tehe kdóyón Dwata du, yóm Maen, ne yóm tey kehegetahen du. Tódô gungol me udél Dwata, yóm hol geta bè kdéen. Yó monen, “Ni se Ngau hol gónóhen nô nawahu. Bong hyu nawahu du.”

Kulasi 1:13

Deng lenwà Dwata tu gu lem yóm deng nogot Seitan, ne deng nilihen tu elem yóm kun nogot yóm Ngaen hol gónóhen nô nawahen.

Kulasi 1:1

Ou se Pol gónóhen lemwót nim sulat ni, lewu me Timuti, yóm sotu dumu tekuy setwoli. Hol lemwót bè kun kóyô Dwata yóm kbalingu tau gel hógów Krays Jisas.

Ifisus 1:6

Hol dóyón tekuy dé Dwata lemwót bè yóm tey któbóngen tekuy hlanen bè Krays, yóm hol kun Ngà kenbong nawa. Yóm tóbóng yó, là kô benli du.

Kul Nmò 14:27

Bè yóm deng kkól le bè Antyok, gotu sentifun le yó kem tau hemtahu, ne gotu tulón le kul se yóm deng nmò Dwata hlanen bélê le. Gotu tulón le yóm nmò Dwata mò gónó le hemtahu bè Jisas se kul yó kem tau là Ju le.

Kul Nmò 11:18

Timbow deng gotu gungol le yóm tulón Pitér yó koni, tódô laen kô dù bud sfuhen yóm kudél le du. Deng mom baling dóyón le Dwata, mon le, “Tahu se, deng homong Dwata lu se kul yó kem tau là Ju le anì hegsel le, ne anì guta le yóm klowil laen dù sónen.”

Kun Snulat Luk 23:35

Tey dê tau mdà bè yó, yóm na a gbót temngel du. Yó nmò yó kem tuha gónó le galak yó kem Ju, senflowon le Jisas, mon le, “Deng gel lenowilen yó kem dumu tau, yake lenowilen yóm kun knô ke du se yóm Misaya, yóm deng nélék Dwata.”

Kun Snulat Luk 9:35

Tódô gungol le se yóm mudél gu lemen, yó monen, “Ni se hol dou Ngà, yóm deng eles néléku. Hol gel hnungol ye.”

Kun Snulat Luk 3:22

ne tódô htuntun etahen gu tta bè longit yóm Tulus Dwata, hol lómón kmoen obun. Ominen wen se mudél gu bè longit, monen, “Uu se yóm hol dou Ngà tendo gónóhen nô nawahu. Tey kligalu béléem.”

Mark 9:7

Yóm igò Pitér tolo mudél, tódô sut se yóm tey lobun lememek eta le, gnolungen lu, ne tódô gungol le se yóm mudél gu lemen, monen, “Ni se yóm hol dou Ngà gónón nô nawahu. Hol gel hnungol ye.”

Mark 1:11

Ne sen-geng yóm udél gu bè longit, monen, “Uu se yóm hol dou Ngà tendo gónón nô nawahu. Tey kligalu béléem.”

Matyu 17:5

Yóm igò Pitér tolo mudél, tódô lememek eta le yóm tey lobun sminang bukay, tódô gungol le yóm mudél gu lemen, monen, “Ni se hol dou Ngà, gónón nô nawahu. Tey kligalu béléen. Hol gel hnungol ye.”

Sikaraya 3:8

Ni mò hol hnungolem, Jéswa, yóm geta bè yó kem tau gel blóng ebéléu, dalang se kuy kem dumu tau gel blóng ebéléu, hol hnungol ye. Yu se hmigad du yó kem hyu móyón sut. Móyón nwitu elem blóng ye yóm dou tóbóng lówó, yóm bnoluy Hanga.

Isaya 53:11

Kogol yóm alì keglayamen bè yóm klowilen te tonok, angat bud mulék ebéléen yóm tey kligalen. Ne tódô tngónen là kóen gamà hkawang yóm tehe keglayamen, wen uléken. Tey gulit yóm tóbóng lówóhu ne tey kehyu nawahu béléen. Fen nbóen yóm kegtafak tau. Lemwót bè yóm nmoen, yó se mò lanu hmifót salà.

Kem Lingón 89:19

Ó Dwata, wen tehe hegfanem ekni bè yó kem tau tóbóng lówóhem alì teneb. Yó tehe monem mò kul, “Deng tnóbóngu yóm sotu sendalù alì tótól bè kwiten sfatay. Deng néléku lem blóng yó kem dumuhen mò henbalingu tau hol geta mogot benwu,

Matyu 12:17

Bè nim nmò Jisas ni, deng gónón dohò yóm tehe udél Dwata deng tulón yóm sotu tugod Dwata ekni boluyen Isaya, yóm monen,