Matyu 12:14 - Udél Dwata: Gna Kesfasad ne Lomi Kesfasad

¹⁴ Okóm yó kem Farisi, tódô le gotu lemwót, ne sensatul le yóm kmò khatay le ke Jisas.

Matyu 12:14 Referans Kwoze

Kun Snulat Jan 11:53

Tódô lemwót bè yóm kdaw yó yóm katul khatay le ke Jisas yó kem Ju wen glal le.

Kun Snulat Jan 10:39

Omin le gotu bud tô kemfô ke Jisas, okóm tódô lana lem blóng le.

Kun Snulat Jan 5:18

Lemwót bè yóm udél Jisas yó gónón temnù yóm kóló le hmatay du. Là són du bè yóm kegsalaen bè Kdaw Kehegnô duón le du, okóm yó hol duón le du, bè yóm kmonen du Dwata yóm Maen. Bè yóm kmon Jisas du yóm yó, deng hsengeden ne knóen bè Dwata.

Kun Snulat Luk 6:11

Ya tey sidek kebut le ke Jisas yó kem Farisi ne yó kem tau gel tmolok hlau bè yóm nmoen yó. Kewóten bè yó ne, tendo sensatul le yóm kmò le ke Jisas.

Mark 3:6

Okóm yó kem Farisi, tódô le lemwót bè yó, mógów le ebè yó kem tau genlal bè Hirod, sensatul le yóm kmò khatay le ke Jisas.

Matyu 26:4

Yó natul le yóm kmò klifut kekfô le ke Jisas anì ghatay le.

Kun Snulat Jan 11:57

Yó gónó le mon du yóm yó, abay se deng ssotu ne atul yó kem geta bè yó kem gel demsù ebè Dwata ne yó kem Farisi. Eles heglalag le ke wen mton du mò ke Jisas, hol tulón le kul anì kenfô le.

Matyu 27:1

Timbow deng mwas bè yó, gotu le stifun yó kem geta bè yó kem gel demsù ebè Dwata ne yó kem tuha gónó le gel galak yó kem Ju, sensatul le yóm kmò khatay le ke Jisas.

Mark 14:1

Tek lewu kdaw ne duen kehto yóm mò ken bong yó kem Ju, yóm gel mon le Kdaw Khius, ne yó kem kdaw bud kken le du yóm mambang laen dù bulung henoken. Bong yó kem geta bè yó kem tau gel demsù ebè Dwata kkólen bè yó kem tau gel tmolok hlau, sónmò le mebel lan le lemifut hekfô ke Jisas anì ghatay le.

Kun Snulat Luk 22:2

Bong yó kem geta bè yó kem tau gel demsù ebè Dwata kkólen bè yó kem tau gel tmolok hlau, sónmò le mebel lan le lemifut hmatay ke Jisas. Yó gónó le tô lemifut du, knikò le yó kem tau gel hmungol ke Jisas.

Kun Snulat Jan 7:30

Bè yóm kmon Jisas du yóm yó, deng tódô tô senkfô le, okóm là gmò le du béléen abay se là dengen hto he yóm buteng Dwata hemlus du ebélê le.

Kun Snulat Jan 7:32

Timbow gungol yó kem Farisi yóm kesboyong le gbak ebè Jisas yó kem tey tau wen, omin le stulón bè yó kem tau hol geta bè yó kem gel demsù ebè Dwata, ne hógów le yó kem tau gel mentey bè Gónô Dwata na le e hekfô kul Jisas.

Kun Snulat Jan 7:44

Wen se tô móyô kemfô du, okóm laen dù tau mlos mò du.

Kun Snulat Jan 8:59

Timbow gungol le yóm mon Jisas yó, omin le gotu mulut botu mò tô hatay tudà le du. Okóm tódô lana lem mata le Jisas, tnagaken yóm Gónô Dwata.

Kun Snulat Jan 10:31

Bè yóm kungol le du yó kem tau yóm udél Jisas yó, tódô le gotu mulut botu mò tô hatay tudà le du.