Matyu 12:12 - Udél Dwata: Gna Kesfasad ne Lomi Kesfasad

¹² Milud he yó dum tau, abay se bong muhen senta yóm ubiha. Yó gónóm mon, là gsalà tekuy du yóm kut hlau ke wen tau tnóbóng tekuy bè yóm Kdaw Kehegnô.”

Matyu 12:12 Referans Kwoze

Matyu 6:26

Tenngel ye dé yó kem onuk koyu. Laen kô hulu le, ne laen se kô dù bang nuta le, ne laen se kô dù fol le. Bede tódô wen gel htukóen kul yóm Mà tekuy bè longit. Milud he yó dum kuy, igoen bong kuy mu senta yó kem onuk koyu.

Kun Snulat Luk 6:9

Ne mon Jisas mò yó kem tau sbung, “Wen snólóku bélê ye. Tedu se yóm bang nmò bè yóm Kdaw Kehegnô anì là gsalà tekuy du yóm hlau tekuy? Hyu kô ke tnóbóng tekuy kem dumu tekuy, duhen ke hensidek tekuy lu? Ke lenowil tekuy sotu tau, duhen ke hnatay tekuy?”

Mark 3:4

Ne mudél Jisas ebè yó kem tau sbung, snólóken lu, monen, “Tedu de bang nmò tekuy bè yóm Kdaw Kehegnô anì là gsalà tekuy du yóm hlau tekuy? Hyu kô yóm tmóbóng duhen ke hensidek? Ke lemowil tau, duhen ke tódô hnatay?” Okóm tódô le neb yóm kdê le.

Matyu 10:31

Yó gónóm mon, bê ye abay hlikò. Bong ye mebtes se kuy senta yó kem tey dê ngà onuk bnes.”

Kun Snulat Luk 12:24

Tenngel ye dé yó kem wak, laen kô hulu le, ne laen se dù bang nuta le, ne laen se dù fol le. Bede tódô wen gel htukô Dwata kul. Milud he yó dum kuy igoen bong mu ye senta yó kem onuk koyu.

Kun Snulat Luk 14:1

Bè yóm sotu Kdaw Kehegnô, henkenen Jisas bè gónóen yóm sotu Farisi. Nim Farisi ni, sotu gónó le mogot yó kem dumuhen Farisi. Ne sónmò le semtngel ke Jisas yó kem dumu tau nô bè yó.