Matyu 12:10 - Udél Dwata: Gna Kesfasad ne Lomi Kesfasad

¹⁰ Wen sotu tau nô bè yó kimoy doli sigelen. Ne wen se kem dumu tau nô bè yó mebel le lan le dmuón ke Jisas, mon le mò du, “Gsalà bè yóm hlau tekuy kô yóm hkó des bè yóm Kdaw Kehegnô?”

Matyu 12:10 Referans Kwoze

Kun Snulat Luk 13:14

Okóm yóm tau hol mogot yóm gónô stifun bè yó, deng mom lembut lan Jisas hkó des bè yóm Kdaw Kehegnô. Yó udélen ebè yó kem tau bè yó, monen, “Igò sem nem kdaw du hol gel kmò tekuy nmò, yó dé tnana kehkó ye des. Béen mom bè yó dum Kdaw Kehegnô.”

Kun Snulat Jan 9:16

Wen se bè yó kem Farisi mon du, “Là lemwóten bè Dwata yóm tau hton kóm yó, abay se nmoen bè yóm Kdaw Kehegnô.” Okóm yó mon kem dumu tau, “Ke tau gemsalà yóm tau yó, là kô gbeken mò du yó kem tey dê hentaw ton nmoen.” Tey kesgólól nawa le yó kem tau bè yó.

Kun Snulat Jan 8:6

Yóm snólók le bè Jisas ni, mò tô dalil le dmuón du. Okóm ke Jisas kun, lekohong ebè tonok, sulaten bè tonok tdoken.

Kun Snulat Jan 5:10

Timbow ton yó kem Ju genlal yóm tau deng mkó desen yó, deng mom sensudél le, mon le, “Kdaw Kehegnô nim ni. Là hyuhen bè hlau tekuy ke miti igam.”

Kun Snulat Luk 11:54

mò tô dalil le dmuón du bè yóm kbalaen kul.

Matyu 12:2

Timbow ton yó kem Farisi, mon le mò ke Jisas, “Tenngelem dé yó kem gel lemolò kóm, deng mom nulé le yóm hlau tekuy bè yóm Kdaw Kehegnô yóm nmò le yó.”

Isaya 32:6

Yóm tau là tedengen yó, hono nungel kestulónen ne tey dê nmò sidek natulen. Kdê yó kem gel nmoen ne kdê yó kem gel udélen gónón gfan yóm là kadaten ke Dwata. Là kô henkenen kul yó kem tau bitil ne là kô hinumen kul yó kem tau meeng.

Kun Snulat Jan 5:3

Tey dê tau gemnóm des hlilil bè yó laan yó kem gónô hgolung. Yó kem tau butô, yó kem tau kihod ne yó kem tau deng matay sfu lówó le, gotu le hlilil bè yó (abay se gel nangat le kewók yóm busung.

Kun Snulat Luk 23:2

Yóm deng kkól le bè yó, tódô gotu tulón le yóm kdê tifù le du, yó mon le, “Nim tau ni, deng mom niten lu hetlas yó kem Ju, ne bnekelen yóm gel kbayad me bwis bè yóm tau hol geta bè Rom. Ne yó sotu gel monen nim tau ni, du kun yóm Misaya, sotu tau hol geta.”

Kun Snulat Luk 23:14

Yó udél Paylét ebélê le, monen, “Deng nwit ye ebéléu yóm tau gel mon ye niten hetlas yó kem tau. Blaem nim tau ni, deng hen-gugud snólóku se bè ni lem blóng ye, ne kdê yó kem tifù ye mò duón ye du, là sem tonu du béléen.

Kun Snulat Luk 20:22

Ni tô snólók me béléem,” mon le. “Gsalà bè hlau tekuy kô yóm tendo gel kbayad tekuy bwis ebè Sisar, yóm tau hol geta bè Rom?”

Matyu 19:3

Yóm knóen bè yó, wen kem Farisi mógów ebéléen, wen snólók le béléen mò dalil gónó le dmuón du, mon le, “Là sideken bè hlau tekuy kô ke skó bè yehenen yóm tau balù kihu buten?”

Isaya 59:13

Deng tey là kimón me kóm. Tey kekbê me kóm. Là kô me móyô lemolò kóm. Deng gel hen-gnok me kem dumu me, tódô knogol me uu. Là tedengen yóm gel hendem me ne yó kem gel tulón me hono kéng.

Isaya 59:4

Gel ye skukum, okóm là kô ndà ye du yóm kukum tedeng mom snalig ye yóm kéng anì gemmò ye. Tey mahil bélê ye mò du bè kem dumu tau yóm sidek gel natul ye.

Mark 3:2

Wen se kem dumu tau nô bè yó, tenngel le Jisas anì ton le ke hkóhen des yóm tau kimoy yó bè yóm Kdaw Kehegnô anì wen dalil le dmuón du.

Kun Snulat Jan 7:23

Ke gel tnulì ye yóm ngà bè yóm Kdaw Kehegnô anì là gulé ye du yóm hlau Musis, moen de ke lenbut ye ou bè yóm tehe kkóhu des bè Kdaw Kehegnô?