Matyu 11:8 - Udél Dwata: Gna Kesfasad ne Lomi Kesfasad

⁸ Tedu se tô hnebel mata ye du? Yóm tau knóón knesen kô? Là kô yó du. Tek són yó gónó ye mton du yóm tau knóón knesen, tek són lem gónô bong yóm tau hol geta.

Matyu 11:8 Referans Kwoze

Matyu 3:4

Nim Jan ni, yó nesen nmò le lemwót gu bè bul kamél ne yó hileten kulit ógóf ne són tlangas ne tneb gel kenen.

Sikaraya 13:4

Bè yóm kdaw yó, ket tau tmugod bè dwata kéng, sal bud mulék myak du bè yóm bud tulónen. Là bud leseken du ne yóm nes gel lesek yóm tugod Dwata tehe gel leseken, mò smukat kem dumun.

2 Bok Kem Tau Hol Geta 1:8

Bnalà le se, mon le, “Yó nesen nmò le gu bè kulit ógóf, ne yóm hileten bud kulit ógóf.” Mon yóm tau hol geta se, “Ilaydya myó yóm tau lemwót bè Tisbi.”

Deng Hegfan 11:3

Angat wen lewu tau hógówu mò tugodu ebè yó bè yóm tlu halay bud sóól, bede mnes le sakù.”

2 Kurin 11:27

Tey gel kmou nmò efet sidek klitegu. Tey dê duléku ne là gel gtungô. Dê duléken se sidek kbitilu ne sidek kleengu. Tey dê duléken se laen dù gónóhu ma mò kenu, ne laen se dù bud gónóhu e mefet, lelen laen dù hol gel nesu.

1 Kurin 4:11

Efet nim kmoen ni, sana tolo gel keglayam me bitil ne meeng. Ne laen kô hol nes me, lel le gel mfes kum yó kem dumu tau. Ne laen kô hol mdengen gónó me nô se kum.

Dwata 28:54

Balù yóm tau alì hulung kmodu kem dumuhen ni kmoen ni, lemwót bè yóm alì kbitilen bè yóm kdaw yó, balù udì ke wen bud koduhen yóm hol dumuhen setwoli, dalang se yóm yehenen alì kenbong nawahen ne yó kem ngaen dù mowil.

Matyu 11:7

Kogol yóm kulék le gu bè Jisas yó kem tau hógów Jan yó, omin Jisas tmulón ke Jan lem blóng yó kem tey tau sbung, monen, “Bè yóm tehe gel kógów ye ebè Jan bè yóm benwu laen hol tau menwu du, tedu se yóm tô nóyô hnebel mata ye béléen du? Yóm bnes tendo mung mgafil bè lenos kô? Là kô yó du.

Matyu 11:9

Tedu se hol hnebel mata ye du bè yóm tehe gel kógów ye ebéléen yó? Tau tugod Dwata kô? Tahu se, tau tugod Dwata yóm Jan. Okóm yóm nmoen, mkay senta yóm kun nmò yóm tugod Dwata,

Kun Snulat Luk 7:25

Tedu se tô hnebel mata ye du? Yóm tau knóón knesen kô? Là yó du. Tek són yó gónó ye mton du yóm tau knóón knesen ne yóm tau mdengen ktauhen, tek són lem gónô bong yóm tau hol geta.