Matyu 11:5 - Udél Dwata: Gna Kesfasad ne Lomi Kesfasad

⁵ Yóm tau butô tódô bud mton, yóm tau hikot bud gógów, yóm tau wen des mifù gnómen gotu mkó, yóm tau bokong bud mungol, yóm tau matay bud mowil. Ne sotuhen, yóm Tulón Hyu lemwót gu bè Dwata deng gefet bè yó kem tau élél.

Matyu 11:5 Referans Kwoze

Kun Snulat Luk 4:18

“Deng nô béléu yóm kun Tulus Dwata, abay se deng néléken o mò fen hetngón du bè yó kem tau élél yóm Tulón Hyu lemwót gu béléen. Deng hógówen ou ebè yó kem tau deng nfét mò fen hetngón du kul yóm lan le gewà. Hógówen o ebè yó kem tau butô anì bud le mton, ne ebè yó kem tau hen-gnok anì gewà le.

Sulat Jim 2:5

Ni hol hnungol ye, kem dumuhu sogot nawa. Mom monem yó ne kem tau élél lem nim benwu ni yóm nélék Dwata mò baling mdengen bè kehtahu le, ne gmung le bè yó kem tau nogoten, yakà yó du yóm deng tehe fasaden bè yó kem tau kembong nawa du.

Matyu 21:14

Bè yóm igò Jisas nô bè yó bè Gónô Dwata, tódô le gotu mógów ebéléen yó kem tau butô ne yó kem tau tugô, ne gotu hkó Jisas yó kem des le.

Kun Snulat Jan 10:38

Okóm ke nmou, yake hentahu ye, baluen ke là hentahu ye du yóm dou udél. Ke hentahu ye yóm gel nmou, kaem dilô ye yóm knô Mà béléu ne yóm knóu bè Mà.”

Kun Snulat Jan 10:25

Mon Jisas se mò kul, “Igou sem deng hónô tmulón du kuy, là sem dog hentahu ye du. Bè yóm hentaw ton hmò Mà dou, yó gónó ye dmilô du yóm khógówen do.

Kun Snulat Jan 5:36

Okóm wen he gemtanud dou mkay senta yóm kun kegtanud dou Jan, duhen yóm gel nmou. Kdê yóm hmò Mà dou, yó se yóm gel nmou, ne hol lómón ke yó se mò gemtanud dou. Bè yó se gónó ye temngón du yóm khógów Mà dou.

Kun Snulat Jan 3:2

Sotu kifu, mógów ebè Jisas nim Nikudimus ni, monen mò du, “Ó Sér, tódô tngón me uu se sotu tau tmolok hógów Dwata. Laen kô tau gembek mò du yó kem hentaw ton gel nmoem ke là nóen béléen Dwata.”

Kun Snulat Jan 2:23

Bè yóm igò Jisas nô bè yóm mò ken bong bè Jirusalim, tey dê tau hemtahu béléen lan le mton yó kem hentaw ton nmoen.

Mark 9:25

Timbow ton Jisas yóm tey dê tau hloni ebélê le bè yó, ominen tódô hdó yóm busaw malak yóm ngà yó, monen mò du, “Uu se humew du nim ngà ni, ne hbokong du, mdóhi ne, hol béi abay bud mulék ebéléen.”

Mark 7:37

Ya tey ketnga yó kem tau hmungol du, mon le, “Hono hyu yóm kdê gel nmoen,” yóm mò ke Jisas. “Balù yó kem bokong, bud mungol, ne yó kem umew, bud gudél.”

Matyu 10:8

Hkó ye des yó kem tau semlaw, ne hlowil ye ke wen tau matay. Hkó ye yó kem gemnóm des mifù, ne hdó ye bè yó kem tau lengel mata yó kem tulus seitan malak kul. Deng wen blay Dwata kuy yóm là benli ye du. Duhen yó, ke wen tau angat tnóbóng ye, bê ye abay hbayad lu.

Matyu 9:30

Ne tahu se, tódô sen-geng le se bud mton. Ne tey kehget kmon Jisas du mò kul, “Bê ye abay tulón bè kihu tau nim deng nmou bélê ye ni.”

Isaya 66:2

Ou se deng mò du yóm longit ne tonok ne kdéen ton. Okóm tey kehyu nawahu bélê le yó kem tau heglaan béléu ne hegsel bè salà le, yó kem tau wen klikò le do ne mimón do.” Là gomongen bè nili yóm bérs 3 efet kól bè 24. Htulón Dwata ke Isaya yóm tey kehyuhen bè yó kem tau mimón yó kem udélen. Okóm bè yó kem tau là mimón du, yó udél Dwata gbak ebélê le bè bérs 4, monen, “Angat wen tey hlayam hwitu ebélê le, duhen kdê yó kem gel knikò le. Abay se bè yóm ktabahu, là tnimul le do. Soke mudél, là hnungol le do. Tey kmò le salà igou temngel kul. Deng mom nmò le yó kem deng tngón le alì kenbéu.” Duhen yó, bè yóm kdaw kehgulék Dwata klowil yó kem tauhen ne yóm tonoken, tódô segeng bè yóm kdaw khéét kkukumen yó kem tau là hemtahuhen ne yó kem tau là mimón du bè klamang benwu. Kesok kól yóm kdaw bud kehgulék Dwata yóm benwu Jirusalim ne yóm nan e bud kwit kul mulék yó kem tauhen mò nô bè yó, tódô mekto yóm kmoen du ne wen tilob ofol blayen kul. Gotu hógów Dwata yó kem kun tau ebè yó kem benwu là deng gmungol du yóm kun boluy, yó kem là deng mton yóm kun keklóón. Mon Dwata bè bérs 19, “Gotu hetngón le yóm dou keklóón ebè kdê but tau.” Bè són nim tsapter ni tulónen yóm fasad Dwata bè yó kem kun tau. Monen bè bérs 22, “Yóm klaen tul sónen yóm lomi longit ne tonok, lómón yó se klaen dù sónen yóm ktauhu kuy, ne là se kóen lana yóm kuy boluy.”

Isaya 43:8

Mon Dwata, “Htaba ye ebè gónô skukum yó kem dou tau. Igoen se wen mata le, là kô le mton. Igoen se wen klingu le, là kô le mungol.

Kem Lingón 146:8

ne htonen yó kem butô. Bud henwósen yóm blat nô ta yó kem tau meflayam. Tey kbong nawahen kul yó kem tau tedeng kmò le.

Kem Lingón 22:26

Bè yóm kdaw yó, tey kehdengen le mken yó kem tau élél. Ne tey kdóyón le ke Dwata yó kem tau hloni ebéléen. Hol laen kô dù tul sónen yóm kehyu Dwata klowil le.

2 Bok Kem Tau Hol Geta 5:14

Tahu se, mógów ebè Él Jurdan Naaman, ne hitu duléken lemneb lówóhen ditu, lómón yóm deng hloloen du yóm tau Dwata, ne tódô gotu mimot mkó se yóm desen. Yóm kuliten, hol lómón ke kulit ngà.

2 Bok Kem Tau Hol Geta 5:7

Tikóng senfala yóm tau hol geta bè Israél yóm sulat yó, botong kenséen nesen lemwót bè alì sidek kegnómen du, yó udélen, monen, “Tum nahen hemwit udél ebéléu yóm tau hol geta ni anì hkóhu des mifù nim tau ni? Ilóem Dwatahe kô, wen kfasangu hlowil tau duhen ke hmatay tau? Là hyuhen nim nmoen ni, tô mebel lan anì wen gónó me seglius.”

Matyu 5:3

“Tey kehyuhen bélê le kul yó kem tau ke dilô le yóm kwen gónó le élél bè kehtahu le, abay se deng le sana gmung ne bè yó kem tau nogot Dwata.

Kul Nmò 2:22

Ne bud mon Pitér, “Ó kem dou dumu tau Israél, hol hnungol ye nim monu mò kuy ni. Yóm Jisas lemwót bè Nasarit, deng hógów Dwata edini lem benwu. Yó gónó Dwata hdilô du yóm khógówen du, duhen yó kem hentaw ton deng gel hmò Dwata du lem blóng tekuy. Tódô gotu tngón ye snéen kuy ni kem ni, abay se deng tehe nmoen lem blóng ye bè ni.

Kehewà 4:11

Yó bud balà Dwata du, monen, “Tau du se mò du yóm sumóng tau? Tau du se hbokong du ne humew du? Tau du se hton du ne hbutô du? Ou se mò du, yóm sana Dwata hol gónó mogot.

Matyu 11:4

Bè yóm ksólók le du bè Jisas, bnalaen se lu, monen, “Mulék ye ne, ne ye e tulón ke Jan yó kem deng gungol ye ne yóm deng ton ye.

Matyu 12:13

Omin Jisas mudél ebè yóm tau kimoy sigelen yó koni, monen mò du, “Bentolem sigelem.” Ne tahu se, bentolen, hol lómón ke laen dù tehe desen, lómón yóm dolihen.

Kun Snulat Jan 9:7

ne monen mò du, “Lemwóti ne, nam e mouf bè busung Silom.” (Yó lan nim Silom ni, “Hógów.”) Ne tahu se, lemwót yóm tau butô yó nan e mouf. Timbow deng koufen, tódô mton se ne tódô mulék ebè gónóen.