Matyu 11:4 - Udél Dwata: Gna Kesfasad ne Lomi Kesfasad

⁴ Bè yóm ksólók le du bè Jisas, bnalaen se lu, monen, “Mulék ye ne, ne ye e tulón ke Jan yó kem deng gungol ye ne yóm deng ton ye.

Matyu 11:4 Referans Kwoze

Matyu 11:3

anì snólók le béléen ke deng duhen du ne yóm tau hógów Dwata tehe gel tulónen, duhen ke na le na nangat he?

Matyu 11:5

Yóm tau butô tódô bud mton, yóm tau hikot bud gógów, yóm tau wen des mifù gnómen gotu mkó, yóm tau bokong bud mungol, yóm tau matay bud mowil. Ne sotuhen, yóm Tulón Hyu lemwót gu bè Dwata deng gefet bè yó kem tau élél.

Kun Snulat Jan 5:36

Okóm wen he gemtanud dou mkay senta yóm kun kegtanud dou Jan, duhen yóm gel nmou. Kdê yóm hmò Mà dou, yó se yóm gel nmou, ne hol lómón ke yó se mò gemtanud dou. Bè yó se gónó ye temngón du yóm khógów Mà dou.

Matyu 8:3

Tahu se, na e nenok Jisas yóm tau yó, monen, “Móyóe tmóbóng kóm. Mkó ne desem.” Ne tahu se, tódô sen-gengen se mkó béléen yóm des mifù yóm tau yó.

Matyu 15:30

Bè yóm knóen bè yó yó, tey dê tau bud mógów ebéléen. Gotu nit le ebéléen yó kem tau tugô, ne yó kem tau butô, ne yó kem tau tiked, ne yó kem tau umew, ne tey dê kem dumu tau gemnóm des snéen. Gotu sù le lu klohok ti Jisas, ne gotu kóhen se yó kem des le.

Matyu 21:14

Bè yóm igò Jisas nô bè yó bè Gónô Dwata, tódô le gotu mógów ebéléen yó kem tau butô ne yó kem tau tugô, ne gotu hkó Jisas yó kem des le.

Kun Snulat Jan 14:11

Hol hentahu ye dé yóm knóu bè Mà ne yóm knô Mà béléu. Ke megewu nawa ye du nim tulónu kuy ni, hol hentahu ye dé lemwót bè yóm gel nmou.