Biblia Todo Logo
Bib sou entènèt

- Piblisite -




Matyu 11:27 - Udél Dwata: Gna Kesfasad ne Lomi Kesfasad

27 Omin Jisas bud mudél ebè yó kem gel lemolò du, monen, “Deng gotu hkem Mà do yóm kdéen. Laen kô tau temngón du yóm Ngà Dwata, tek són yóm Maen. Ne là kô wen tau temngón du yóm Maen, tek són yóm Ngaen, ne tek són yó kem tau deng néléken mò gónóhen hetngón du.

Gade chapit la Kopi




Matyu 11:27
21 Referans Kwoze  

Hloni bélê le Jisas, ne monen mò kul, “Deng gotu blay Dwata do yóm kwalis mogot longit ne tonok.


Bud mon Jisas mò kul, “Deng gotu tódô hkem Mà dou kdéen. Là kô wen tau temngón du yóm Ngà Dwata, tek són Maen. Ne là kô wen tau temngón du yóm Maen, tek són yóm Ngaen, ne tek són yó kem tau deng néléken mò gónóhen hetngón du.”


Ke wen tau là gmulit du yóm kun tolok Krays, ne deng mom wen gel tnuen du, là kóen nô béléen Dwata yóm tau yó. Okóm ke tendo nuliten yóm kun tolok Krays, deng nô béléen ne yóm Mà tekuy lewu le yóm Ngaen.


Abay se yóm tau ke kenbéen yóm kun Ngà Dwata, kenbéen snéen yóm Maen. Okóm yóm tau ke hentahuhen yóm Ngà Dwata, hentahuhen snéen yóm Maen.


hol lómón se yóm kum kesetngón Mà. Angat hamau klowilu bélê le yó kem dou ubiha.


Tey kbong nawa Dwata du yóm kun Ngà, deng gotu hogoten du yóm kentihen.


Sundu mon dé ke deng tonen Mà. Tek són mton du, són yóm deng lemwót gu béléen.


Yóm Dwata, laen kô tau deng mton du he. Okóm tek són yóm kun Ngà yó deng hetngón du tekuy yóm kmò Maen, abay se hol le senged Maen yóm Ngaen, ne senflósen nô béléen yóm Ngaen yó.


Okóm tngónu se dou, abay se lemwóte gu ditu, ne du se hol hógów dou edini.”


Deng hetngónu ne, Mà, yóm kóm kmò bè yó kem tau deng blayem do lem nim benwu ni. Hono kem kóm tau se yó kem tau yó, ne deng blayem do. Gotu nimón le se yóm kóm udél.


Okóm ke Jisas kun, deng eles tngónen yóm kfasang deng blay Maen du mò mogot du yóm kdéen. Tngónen snéen yóm kewóten gu bè Dwata ne yóm bud kuléken etu béléen.


Ne ni kmoen ni deng nô bè longit ne Jisas, myón fi bè kwanan Dwata mò ilô yóm kehkamal Dwata du du yóm kdéen hógów Dwata gu bè longit, ne kdê yó kem dumu mtulus wen kwalis le ne wen kfasang le bè yó bè longit.


Swiv nou:

Piblisite


Piblisite