Matyu 11:24 - Udél Dwata: Gna Kesfasad ne Lomi Kesfasad

²⁴ Tódô tulónu kuy ktahuhen, sok kól yóm kdaw angat kkukum Dwata tau, botong kéng he yóm ktafaken yó kem tau bè Sodom yóm angat ktafaken kuy.”

Matyu 11:24 Referans Kwoze

Matyu 10:15

Tódô tulónu kuy ktahuhen, ke deng kól yóm kdaw kkukum Dwata tau, angat tey bong ktafaken kul yó kem tau bè yóm benwu yó senta yóm ktafaken yó kem tau tehe alì mò sidek bè Sodom ne Gomora.”

Matyu 11:22

Tódô tulónu kuy ktahuhen, sok kól yóm kdaw angat kkukum Dwata tau, botong kéng he yóm ktafaken yó kem tau là Ju le bè Tayal ne bè Sidon yóm angat ktafaken kuy.

Mark 6:11

Ne ke wen benwu là hmódó kuy, ne ke là dog hnungol le kuy, tódô tnagak ye yóm benwu yó, olo ye tmótók kfung bè ti ye mò ilô yóm angat ktafak Dwata kul.”

Kun Snulat Luk 10:12

Bede yó tulónu kuy,” mon Jisas, “ke deng kól yóm kdaw kkukum Dwata tau, angat tey bong ktafaken kul yó kem tau bè yóm benwu là hmódó kuy yó senta yóm angat ktafaken yó kem tau bè syudad boluyen Sodom, yóm benwu tódô hensulék genlà Dwata.”

Jirimaya 23:14

Okóm nim kmoen ni, milud he ksideken yóm kul gel nmò yó kem tugodu bè Jirusalim. Ndà le yehen le ne deng knalam le yóm kmò le kéng. Deng mom genduf le yó kem tau gel mò sidek anì là tenflok le du yóm kmò le sidek. Yóm ksidek nmò le yó mkél bè yóm tehe kul ksidek nmò yó kem tau bè Sodom ne Gmura.”

Matyu 23:14

Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Yu se kem tau fen gel smukat yó kem libun bolu anì gfun ye gónô le, lel ye alì gel htahà kni ye bè Dwata. Yó se gónó Dwata alì hemsidek du yóm angat ktafaken kuy.