Matyu 11:23 - Udél Dwata: Gna Kesfasad ne Lomi Kesfasad

²³ Dalang se kuy yu kem tau bè Kapérnaum. Ilóem kmon ye ke gefet bè longit yóm alì kehegeta ye knô ye. Ngem kà angat tódô tudà Dwata kuy elem lanaw ofi he. Ke deng tehe ton yó kem tau là Ju le bè yóm tehe benwu Sodom ekni yó kem hentaw ton nmou lem blóng ye ni, hol mou kun ne ke là hegsel le se kul, ne là kô genlà Dwata kul.

Matyu 11:23 Referans Kwoze

Matyu 4:13

Hlós ebè kun benwu bè Nasarit, okóm là meneken bè yó. Bud hlós ebè Kapérnaum, ditu gónóhen hol nô. Nim Kapérnaum ni, sotu benwu bè kilil Lanaw Galili, glem lem yóm kul tehe tonok le Sibulun ne Naftali.

Tekang Kbuten 13:13

Yó kem tau bè Sodom yó, hol kem tau gónón smala sidek, kem tau alì gemsalà bè Dwata.

Deng Hegfan 11:8

Ne yóm lówó le, tódô tebelen bè yóm lan bong bè syudad Jirusalim. Yó se yóm syudad gónó le tehe tmutuk bè kros yóm gónó le mogot. Wen gel boluy le du yóm syudad yó, duhen Sodom ne Idyip. Yóm boluy yó, wen hnigaden.

Sulat Jud 1:7

Ne hentulón ye nawa yó kem tau tehe menwu bè yó kem syudad Sodom ne Gomora ne yó kem benwu hmilol kul. Tódô nmò le yóm tehe kul nmò yó kem hógów Dwata monu yó koni bè yóm kmò le samuk. Là són du bè kem libun gónó le mò du, balù bè kem kul dumu logi snéen sana kmò le du. Yó kmò Dwata kul, gotu tnafaken lu bè yóm ofi laen kô dù sónen. Ni se yóm eles hetngónen bélê tekuy anì là nmò tekuy du yóm sidek.

Kul Nmò 2:27

abay se tngónu, Dwata, là kô bayaem dou lem benwu yó kem tau deng matay. Ne là kô hbolokem du lem lebeng lówóhu yakà ou du yóm sotu tóbóng lówóhem là mili nawahen ebéléem.

Kun Snulat Luk 14:11

Yó se tau hegetahen knóen, angat heglaan Dwata. Okóm yóm tau heglaanen knóen, angat hegeta Dwata.”

Matyu 16:18

Ni tódô tulónu kóm, lemwót bè yóm udélem yó gónóhu moluy kóm Pitér, yó lanen botu. Ne bè nim botu ni gónóhu mbut hbegel yóm kehtahu le béléu yóm kdéen tau hemtahu bè klamangen benwu. Balù yóm hatay, là kô gatuen kul.

Matyu 8:5

Ngang Jisas mógów efet kól bè Kapérnaum. Wen sotu tau kfitan nô bè yó, tau lemwót gu bè Rom. Senlongen Jisas ne hkodu béléen,

Ubadaya 1:4

Anien he ke kegetahen kóyóng banug yóm kóyóng ye, duhen ke smala ye ditu bè tu kem blotik botong gafitu yu, ne gotu genlau yu snéen. Ou se yóm sana Dwata hol gónó mogot nim mudél ni.

Kun Snulat Luk 16:23

Tódô hlós elem lanaw ofi, ya tey keglayamen. Tikóng temngel etta, tódô tonen Abraham, okóm mayuk béléen yóm gónóhen nô. Ne tonen se Lasarus myón klohoken.

Kun Snulat Luk 4:23

Ne yó mon Jisas mò kul, “Déke yó tô mon ye ebéléu yóm sana gel mon yó kem tau gnan, mon le, ‘Ke uu se yóm tau mulung, nam gna kó kun yóm kóm des.’ Déke tô hmò ye do bè ni snéen bè dou benwu yóm deng gungol ye nmou bè Kapérnaum.

Matyu 17:24

Timbow le gefet bè Kapérnaum le Jisas ne yó kem gel lemolò du, wen kem tau fen gel mtuk yóm bayad bè Gónô Dwata kól bè Pitér, snólóken, monen, “Gel mayad kô kun yóm tau gónó ye gel htolok yó?”

Matyu 10:15

Tódô tulónu kuy ktahuhen, ke deng kól yóm kdaw kkukum Dwata tau, angat tey bong ktafaken kul yó kem tau bè yóm benwu yó senta yóm ktafaken yó kem tau tehe alì mò sidek bè Sodom ne Gomora.”

Kun Snulat Luk 10:15

Dalang se kuy, yu kem tau bè Kapérnaum,” mon Jisas. “Ilóem kmon ye ke gefet bè longit yóm alì kehegeta ye knô. Ngem kà angat tudà Dwata kuy elem lanaw ofi he.”

Kul Nmò 2:31

Lemwót bè yóm deng eles ketngón Dabid du yóm angat nmò Dwata hulin kdaw, yó gónón eles tmulón du yóm klowilen gu lem hatay yóm Misaya, yóm tau deng nélék Dwata mò hkamalen yóm klamangen, yó monen, ‘Là kô bayà Dwata du lem benwu yó kem tau deng matay. Ne là kô hboloken du lem lebeng lówóhen.’

Deng Hegfan 1:18

Ou se yóm laen dù tul katayen. Denge tehe matay, okóm ni denge bud mowil, laen dù bud sónen ne yóm dou klowil. Ou se yóm wen kfasangen mogot hatay, dalang se yóm benwu gónó le nô yó kem tau deng matay, ou se yóm mogot du.

Deng Hegfan 6:8

Ne tahu se, tódô tonu se yóm kudà malù bulow mélél. Yó boluy yóm tau smakay tahen, Hatay. Ne wen tau eles huli du boluyen Hidis. Benlay le lu kwalis hmatay tau, botong gbut tau bè klamangen benwu gbek hnatay le. Yó kmò keglà le kul, hlan le bè gida, ne bè bitil bong, ne bè kem des, ne bè yó kem ógóf lóbô lem bnes.

Deng Hegfan 20:13

Tódô kdéen tau tehe matay lem mohin, gotu le mdà bè yó. Ne yóm kdéen tau tehe nô bè yóm benwu gónó le nô yó kem tau deng matay, gotu le mdà bè yó snéen kul. Gotu knukum Dwata lu yóm kdê le lemwót bè yó kem tehe gel nmò le.