Matyu 11:21 - Udél Dwata: Gna Kesfasad ne Lomi Kesfasad

²¹ Yó monen mò kul, “Angat tey tafak ye, yu kem tau bè Kurasin. Ne tey tafak ye se kuy, yu kem tau bè Bitsayda. Ke deng tehe ton yó kem tau là Ju le bè Tayal ne bè Sidon ni kem hentaw ton deng nmou lem blóng ye ni, ngem kà tódô le lemsek nes sakù, ne bnulus le kohù lówó le mò ilô yóm deng kehegsel le, ne yóm deng kkogol le yó kem sidek tehe gel nmò le.

Matyu 11:21 Referans Kwoze

Kul Nmò 12:20

Bè yóm kdaw yó, tolo lenbut Hirod yó kem tau menwu bè syudad Tayal ne Sidon. Yó nmò le, wen kem tau lemwót bè yó kem benwu yó, gotu le sbung, mógów le ebè Hirod anì ston le du. Yóm kkól le bè yó, gna le mit swè bè Blastus, yóm sotu tau alì snalig Hirod bè gónóen anì tnóbóngen lu. Omin le yó hlós ebè Hirod anì mit le sefyu béléen, yakà són du bè yóm benwu knamal Hirod yóm gónó le e gel bemli ken.

Kun Snulat Jan 12:21

Bè yóm kkól le bè Jirusalim, na le na mógów ebè Filip yóm tau lemwót bè Bitsayda, benwu snakuf Galili yó mon le mò du, “Ó Sér, móyô me ston ke Jisas.”

Kun Snulat Luk 9:10

Timbow le deng bud kól yó kem sfolò lewu tau hógów Jisas yó, gotu tulón le ke Jisas yó kem deng gendeng le. Ne omin Jisas mit kul hetsik són lu ditu bè yóm sotu benwu boluyen Bitsayda.

Mark 6:45

Omin Jisas hotun kul elem ówóng yó kem gel lemolò du, hegnahen lu efatu yóm lanaw bè yóm benwu boluyen Bitsayda, ominen yó bud hulék yó kem tey tau wen.

Matyu 15:21

Bud kewót Jisas bè yó, hlós ebè yóm benwu moni bè Tayal ne Sidon.

Job 42:6

Duhen ni, deng tey sidek kyaku bè yóm kdê deng monu. Ni se gónów myón lem kfung ne lem kohù mò gónów hegfan du yóm deng tey kegselu.”

Sulat Jud 1:11

Tey angat gfà le yó kem tmolok sekban abay se lolò le yóm tehe kun kmò sidek Kain ekni, hnatayen Abél yóm twolihen, ne yóm tehe kun nmò Balaam, móyô mò du yóm sidek anì wen filak gutahen. Ne sotuhen, mkél le bè yóm tehe katù Kura ke Musis ekni. Tódô genlà Dwata lu.

Kun Snulat Jan 1:44

(Nim Filip ni, tau lemwót bè yóm benwu boluyen Bitsayda, yóm benwu gónó le nô le Andru ne Pitér.)

Kun Snulat Luk 6:17

Omin Jisas mosol, mung du yó kem tau lomi néléken mò hógówen yó koni. Mdà bè yóm gónón datal, ne tey dê yó kem dumu tau gel lemolò du nô béléen bè yó. Tey dê kem dumu tau deng kól bè yó snéen lemwót gu bè klamangen prubinsya Judiya, ne gu bè syudad Jirusalim, ne wen se lemwót bè yó kem syudad bè kilil mohin boluyen Tayal ne Sidon.

Mark 8:22

Ngang le Jisas mówóng bè yó efet le dmuung bè Bitsayda. Bè yóm kkól le bè yó, wen tau butô nit le ebè Jisas, ne henkodu le béléen anì olon menok du.

Mark 7:31

Bud kewót Jisas bè yó bè Tayal, mlan etu bè yóm benwu boluyen Sidon, ne ebè yóm benwu bnoluy le Sfolò Benwu, ne hlós ebè Lanaw Galili.

Mark 3:8

ne bè yóm syudad Jirusalim, ne bè klamangen prubinsya Idumiya. Ne wen se lemwót fi dmata kdaw yóm él boluyen Jurdan, kkólen bè yó kem syudad bè kilil mohin boluyen Tayal ne Sidon. Yó gónó le mógów ebè Jisas, abay se deng gungol le yó kem gel nmoen.

Matyu 18:7

Tey kodu le yó kem tau talak tonok, abay se tey dê mit kul là hemtahu. Sal gel sut bè tau se yóm yó, okóm angat tey tafaken yóm tau mò du.

Matyu 11:22

Tódô tulónu kuy ktahuhen, sok kól yóm kdaw angat kkukum Dwata tau, botong kéng he yóm ktafaken yó kem tau là Ju le bè Tayal ne bè Sidon yóm angat ktafaken kuy.

Kul Nmò 27:3

Deng hayahen bè yó, dmuung me bè yóm sotu syudad boluyen Sidon. Tey hyu nawahen ebè Pol yóm kfitan Julyus, tódô bayaen yóm nan keslob bè yó kem dumuhen hemtahu bè yó anì wen tóbóng le du yóm wen muhen du.

Kun Snulat Luk 4:26

Ewenem, là kô dók Dwata ke Ilaydya ebélê le ke mò tmóbóng kul. Mom yó gónó Dwata e mdók du etu bè yó kem tau là Ju le. Hógówen ebè tum sotu libun bolu menwu bè Saripat, sotu benwu snakuf Sidon, ne mom tu yóm nan e tnóbóng.

Mark 7:24

Bud kewót Jisas bè yó, hlós ebè tum benwu moni bè yóm benwu boluyen Tayal. Yóm kkólen ditu, tódô husek bè yóm sotu gónô, kóyóen ke là tngón kem dumu tau du yóm knóen bè yó, okóm senged nóm ketngón le du yóm gónóhen nô yó.

Matyu 26:24

Yóm Ngà Tau nan na matay he,” mon Jisas, “lómón yóm deng tehe eles tulónen bè Sulat Dwata. Bede tey angat kegtafaken yóm tau bemlay sumóng. Mom tumù ne ke béen dog tehe tau.”

Juwél 3:4

Ó kem tau bè Tayal ne bè Sidon ne bè yó kem dumu benwu lem Flistya, tedu se gónó ye hmohon do du? Mone tô bneles ye o kô? Ke yó tô nmò ye ten-gama ye, angat kendel huléku eta ye kdê yó kem sidek deng gel nmò ye.

Amus 1:9

Yó bud udél Dwata, monen, “Deng tendo sensulit le mò sidek yó kem tau bè Tayal, là gbeku du ke là tnafaku kul. Deng mom genbà le yóm deng kesbilà le bè yó kem tau Israél. Mom hensulék hbalù le lu mò hesek etu bè Idom yóm kdê tau Israél tódô henek nô bè yó kem kul benwu lemnek.

Deng Hegfan 6:12

Timbow deng yóm yó, tódô tonu yóm Ngà Ubiha, bud kóhen yóm gnemen dket bè yóm sulat lenulun. Tódô sen-gengen se mbel te tonok yóm tey linol bong. Tódô baling hitem yóm mata kdaw, hol lómón khitemen yóm nes alì hitem. Ne yóm bulón, hol lómó khulóen litô.

Deng Hegfan 11:3

Angat wen lewu tau hógówu mò tugodu ebè yó bè yóm tlu halay bud sóól, bede mnes le sakù.”