Matyu 11:20 - Udél Dwata: Gna Kesfasad ne Lomi Kesfasad

²⁰ Omin Jisas mudél kul yó kem tau bè yó kem benwu tehe gónóhen gel mò du yó kem dê hentaw ton gel nmoen, abay se là kô le hegsel, ne là kô knogol le du yó kem sidek gel nmò le.

Matyu 11:20 Referans Kwoze

Deng Hegfan 2:21

Igoen deng wen kdaw blayu du anì hegsel, okóm là kóen móyô mkó du yóm gel ksamuken.

Deng Hegfan 16:11

Tey kehtolo le yóm Dwata nô bè longit lemwót bè yó kem tey dê tenduk le ne bè yóm alì kdes bkukang le. Okóm là kô dog knogol le du yó kem sidek nmò le.

Deng Hegfan 16:9

Tahu se. Gotu le mluf yó kem tau. Deng mom sónmò le hemtolo ke Dwata, abay se du yóm wen kfasangen mò du ni kem hlayam ni. Okóm là dog knogol le du yóm sidek nmò le, ne là se dog dóyón le ke Dwata.

Sulat Jim 1:5

Okóm ke wen bélê ye là dengen hol ket bè khulungen hedem, yake tódô mni bè Dwata dé anì wen khulung hedem blay Dwata du. Abay se yóm Dwata, hol lemwót bè nawahen tmóbóng yó kem tau gel mni béléen, ne là olon udì du yóm gel blayen.

Kul Nmò 17:20

Wen se gel tulónem là deng gungol me du he. Kóyô me ke hol tngón me lanen.”

Mark 16:14

Bè hol són yóm kehegfan Jisas, tódô sut lem blóng yó kem sfolò sotu dù gel lemolò du bè yóm igò le tolo mken. Nudélen lu lemwót bè yóm là kehtahu le, ne lemwót bè yóm kgel kulu le, yó gónó le alì hemda du yóm tulón yó kem tau deng mton yóm bud klowilen.

Mark 9:19

Ne mon Jisas se mò kul, “Yu kem tau kmoen ni, alì ye gel hemda. Igò tey deng kegenu nô lem blóng ye, ne tey klawi nawahu bélê ye. Nitem edini sen yóm ngaem.”

Matyu 12:41

Bè yóm kdaw angat kkukum Dwata tau, tódô le sbung mdà bè yó se kul yó kem tau là Ju le lemwót bè Ninibi, ne angat nsel le yu. Anam yó ne, tek olo Juna he yóm tehe hetngón du kul yóm udél lemwót bè Dwata, ewenem yó, sana kehegsel le, ne tódô tnagak le yóm sidek gel nmò le. Ne deng wen yóm mkay senta Juna deng kól lem blóng ye bè ni, okóm deng mom henda ye.

2 Kurin 12:21

Sotu tnafa nawahu ke mógówe edyó, kô fen henyak Dwata ou lem blóng ye, ne angat btang lewoku ke dê tau tonu là deng hen-gsel le du yó kem sidek tehe nmò le, duhen yóm alì kektes le du yóm knóyô lówó le ne yóm kmò le samuk.