Matyu 11:18 - Udél Dwata: Gna Kesfasad ne Lomi Kesfasad

¹⁸ Ngem yó dém kkól Jan lem blóng ye,” mon Jisas, “gel fasting se kun, ne là kô ninumen du kun yóm ninum lóbô. Okóm deng mom slón ye du, ‘Tau wen malak du.’

Matyu 11:18 Referans Kwoze

Kun Snulat Luk 1:15

Yóm ngaem yó, angat tey kegetahen bè solu Dwata. Ne là kóen hyu kinumen yó kem ninum lemengel. Tódô lemwót bè ksuten yóm tendo ktolunen béléen yóm Tulus Dwata.

Matyu 3:4

Nim Jan ni, yó nesen nmò le lemwót gu bè bul kamél ne yó hileten kulit ógóf ne són tlangas ne tneb gel kenen.

Kun Snulat Jan 10:20

Tey dê se bélê le mon du, “Wen busaw malak du” mò ke Jisas. “Lengel matahen. Moen de ke hnungol ye udélen?”

Kun Snulat Jan 8:48

Deng mom yó bud balà le ke Jisas, mon le, “Tahu se yóm gel mon me, tauhi lemwót bè Samarya se kóm, lelen wen busawem.”

Kun Snulat Jan 7:20

Ne yó udél yó kem tey tau wen bè yó, mon le, “Deng wen malak kóm. Laen kô dù tau tô hmatay kóm.”

Matyu 10:25

Hyu nawahen yóm tau dmalang ke deng guliten yóm tau tmolok du. Ne yóm tau mò nmò, hyu nawahen ke deng guliten yóm amohen. Ke Seitan boluy le du yóm gónó ye mogot, milud he ksidek udél le ebélê ye, yu kem mogot béléu.”

Jirimaya 15:17

Là kô deng namau du udasu bè yó kem dumu tau bè yóm gel kehligal le. Lemwót bè kimónu yóm hmoem dou, laen kô dù dumuhu balù sotu. Ne gele lembut bè yó kem sidek gel nmò le.

1 Kurin 9:27

Duhen yó, anien ke wen sidek knóyô lówóhu, tódô hotuhu gelu kembê du anì là gmunge. Ke là hulunge mafas nawahu, là kô gutahu du se yóm ofol angat blay Dwata dou, igoen ou se sotu tau gel tmolok kem dumu tau.

Kul Nmò 26:24

Yóm igò Pol tolo mudél, tódô hetê Fistus, monen, “Lengel matahem yóm uu, Pol, abay se gedlug hennagiem.”

Jirimaya 29:26

‘Deng nélék Dwata uu mò tles ke Jihuyada yóm tau gel blóng ebè Dwata, mò mogot yóm Gónô Dwata. Kóm snolu ke wen tau lembù tmugod ke Dwata ke nfétem kdina ne hensuem bala tók bè liholen.

Matyu 9:34

Okóm kul yó kem Farisi, mom yó kmon le du, “Kaem lemwót bè Seitan yóm kul ogot yó kem tulus sidek, yóm kfasangen hdó tulus seitan yóm tau yó.”

Matyu 11:17

‘Deng me hningón mulu, ne lel me tembol, là kô ye dog madal. Ne deng me hningón modung, lel me lemanu, là kô ye dog langag.’

Mark 3:22

Wen se bè yó kem tau tmolok hlau lemwót bè Jirusalim nô bè yó. Yó udél le ebè Jisas, mon le, “Nalak Seitan, yóm kul ogot yó kem busaw. Yó gónón gembek hdó yó kem busaw.”

Kun Snulat Jan 8:52

Bnalà le se, mon le mò du, “Ni deng tngón me wen busaw malak kóm. Igoen deng matay Abraham dalang se yó kem tehe gna tugod Dwata. Okóm yó monem, ke wen tau mimón du yóm tolokem, là kóen na a matay.