Matyu 11:17 - Udél Dwata: Gna Kesfasad ne Lomi Kesfasad

¹⁷ ‘Deng me hningón mulu, ne lel me tembol, là kô ye dog madal. Ne deng me hningón modung, lel me lemanu, là kô ye dog langag.’

Matyu 11:17 Referans Kwoze

Matyu 9:15

Ne bnalà Jisas lu, bede hningónen, monen, “Ke wen mò ken, là gbek le du ke là gbót le mken yó kem tau hol bak mulu yóm igoen tolo nô bélê le yóm logi myehen. Okóm angat wen kdawen tódô kwa le du bélê le yóm logi myehen. Yó he kton ye kul fasting.”

Jirimaya 31:4

Angat bud hdau yu kem tau Israél. Lómó ktonu kuy hol lómón ke tolo ye sawang libun béléu. Angat bud nogot ye yó kem tamburin gel nuni ye anì bud ye hligal madal.

Matyu 9:23

Ne omin Jisas hlós ebè gónô yóm tau wen glalen yó koni. Timbow le kól bè yó, husek elemen, ne tódô tonen yó kem tau stifun tô na a mung lembeng, lel tey kehebnes le. Mon Jisas mò kul, “Na ye hewà bè ni kdê ye.

1 Bok Kem Tau Hol Geta 1:40

Omin le bud gotu mung ke Selumun mulék ebè Jirusalim yó kem tau, ya tey kehligal le mensag, hligal le smoli. Tey kehebnes le bè yóm kehligal le yó, botong tô megsinsig tonok.

Kun Snulat Luk 15:25

Bong yóm ngaen twogu, tolo nô bè tniba kun. Bè yóm kuléken, deng moni ebè gónô ne, gungolen yóm tey kehligal le tembol ne madal.

Tekang Kbuten 50:10

Tikóng le kól bè yóm gónó le gel kmusu yó kem tau bè Atad, sotu benwu fi dmata kdaw él Jurdan na le na bud nodung bè yó Jakub. Botong hitu kdaw Jusif na bud modung du.

Matyu 11:16

Bud mon Jisas, “Tedu de kmò kehlingónu kuy yu kem tau kmoen ni? Yó gónóhu e hkél kuy, hol ye mkél bè yó kem ngà là mdengen bè fedyan, tnaba le yó kem dumu le, mon le,

Matyu 11:18

Ngem yó dém kkól Jan lem blóng ye,” mon Jisas, “gel fasting se kun, ne là kô ninumen du kun yóm ninum lóbô. Okóm deng mom slón ye du, ‘Tau wen malak du.’

Kun Snulat Luk 7:32

Hol ye mkél bè yó kem ngà là mdengen lem fedyan, tnaba le yó kem dumu le, mon le, ‘Deng me hningón mulu, lel me tembol, là sem dog ye móyô madal. Ne deng me hningón modung, lel me lemanu, là sem dog ye langag.’

Kun Snulat Luk 8:52

Tey tau wen bè yó, lenangag le yóm ngà deng matay. Okóm mudél ebélê le Jisas, monen, “Bê ye mkik dé. Là kóen matay yóm ngà, olon tungô.”

Kun Snulat Luk 23:27

Bè yóm deng kwit le ke Jisas yó, tey tau wen lemolò huli du. Wen se kem libun mkik dmumu le huli ke Jisas.