Matyu 11:13 - Udél Dwata: Gna Kesfasad ne Lomi Kesfasad

¹³ Yóm kogot Dwata tau ni, deng eles gegna ne ktulón le du yó kem tehe gna tugod Dwata ekni, dalang se ke Musis bè yóm kun hlau efet kól bè yóm kun kdaw Jan.

Matyu 11:13 Referans Kwoze

Sulat Pol Ebè Yó Kem Tau Hemtahu Bè Rom 3:21

Okóm ni ne, deng mtukul kehetngón Dwata du yóm lan nmoen mò gónón baling tedeng ktonen tekuy. Là kô hlanen du bè yóm klolò tekuy yóm hlau Musis. Okóm nim lan nmò Dwata ni, deng tehe eles hsulaten ke Musis ne yó kem dumu tau tugoden ekni.

Kul Nmò 13:27

Yó kem tau menwu bè Jirusalim kkólen bè yó kem tau gel malak kul, là kô dilô le du ke Jisas yóm deng nélék Dwata mò lemwà tekuy gu lem hatay. Ne là kô glileb le du snéen yóm tehe udél yó kem tehe gna tugod Dwata ekni, yóm gel senfala le bè ket Kdaw Kehegnô. Okóm bè yóm khatay le ke Jisas, yó se deng gónón dohò yóm udél gel senfala le yó.

Kun Snulat Luk 24:44

Omin Jisas yó bud mon du mò kul, “Yóm deng katayu lem blóng ye, ne yóm bud klowilu, ni se yóm tehe deng gel tulónu kuy bè yóm hanà tolo knóu lem blóng ye. Nan na gotu dohò etahu he kdê yó kem tehe deng snulat Musis, dalang se yóm kul tehe gel snulat yó kem dumu gna tugod Dwata kkólen bè yóm tehe snulat le bè yóm bok Lingón.”

Kun Snulat Luk 24:27

Ne gotu hetngón Jisas kul yóm gónón e temnef yóm tehe gel hsulat Dwata ekni gbak ebéléen, kewóten bè yóm tehe snulat Musis efet kól bè yóm kul snulat yó kem dumu tau tugod Dwata ekni.

Malakay 4:6

Yóm ktoloken kuy anì bud sulék nawa yó kem tau smà ne yó kem tau sngà. Ke là dengen sulék nawa ye bè yóm angat kkólu, angat tnafaku yóm benwu ye.” Ni se són yóm htugod Dwata ke Malakay.

Matyu 11:12

Lemwót bè yóm kbut Jan tmolok efet kól nim kmoen ni, tey sidek tô kseng le du yóm kogot Dwata tau. Yó kem tau alì lóbô tô mò du.

Matyu 11:14

Ke yó dum móyô ye hemtahu du yóm tehe tulón le yó, kaem Jan yóm Ilaydya, yóm tehe gel mon le bud semfulék.