Matyu 11:1 - Udél Dwata: Gna Kesfasad ne Lomi Kesfasad

¹ Timbow deng kehlau Jisas yó kem sfolò lewu gel lemolò du yó koni, ominen lemwót na a tmolok bè yó kem dumu benwu hmilol bè yó.

Matyu 11:1 Referans Kwoze

Kul Nmò 10:38

Deng tngón ye se Jisas, tau lemwót bè Nasarit. Tódô sù Dwata béléen yóm kun Tulus, ne tey kfasang blayen du. Tódô keten benwu bélê me gónón e solu, ne hono hyu yóm gel nmoen. Gotu kóhen bè yó kem tau yóm kfasang Seitan malak kul. Yó gónón gembek mò du yóm nmoen yó, abay se tendo nô béléen Dwata.

Kun Snulat Luk 8:1

Timbow kogolen bè yó, omin Jisas tódô hlós ebè yó kem dumu benwu lanen tmulón du yóm Tulón Hyu gbak ebè yóm kogot Dwata tau. Ne mung du yó kem sfolò lewu tau gel lemolò du.

Matyu 9:35

Kogolen bè yó, lemwót Jisas nan e gotu nauy yó kem benwu lembang kkólen bè yó kem benwu lemnek. Yó nmoen, nan e gel tmolok bè yó kem gónó le gel stifun. Gel tulónen yóm Tulón Hyu lemwót bè kogot Dwata tau, luken hkó kentihen kay des yó kem tau.

2 Tisalunika 3:10

Bè yóm tehe knô me bélê ye dyó ekni, wen hlolò me kuy, “Yó se tau là moen nmò, béen dog mken.”

2 Tisalunika 3:6

Yu kem dumu me setwoli, nim hlolò me kuy ni, hlan me bè boluy yóm gónó tekuy mogot Jisas Krays. Hol bê ye abay mung bè yó kem dumu ye hemtahu ke mduk le, ne ke kenbê le yóm tehe hlolò me kuy.

1 Tisalunika 4:2

Deng tngón ye se yóm tehe hlolò me kuy lemwót bè yóm kun kwalis Jisas yóm gónó tekuy mogot.

Kul Nmò 10:42

Yó hol dóken kum,” mon Pitér, “fen hetngón me elem blóng yó kem tau yóm kun Tulón Hyu, ne yóm deng kélék Dwata du mò angat hkukumen kdéen tau ke sok bud semfulék edini. Angat gotu knukumen kdéen tau tolo mowil, dalang se kdéen tau deng matay.

Kul Nmò 1:2

efet kól bè yóm kdaw khawayen ebè longit. Okóm yóm gu laanen là deng haway ebè longit, wen hloloen yó kem tau tehe néléken mò mit yóm kun tulón. Yóm hloloen kul yó hlanen bè yóm Tulus Dwata mò fen hetngón du kul.

Kun Snulat Jan 15:14

Weu yu ke nimón ye yóm hlauhu kuy.

Kun Snulat Jan 15:10

Ke nimón ye yóm dou hlau, yó se gónó ye henek bè yóm kbong nawahu kuy. Lómón yóm kimónu yóm hlau Mà, ne kheneku bè yóm kbong nawahen do.

Matyu 28:20

Ne yóm kdê deng hlauhu kuy, hol tolok ye kul anì hol nimón le se kul. Ne laen kô mtukul sónen yóm knóu bélê ye efet kól bè yóm hol són kdaw.”

Matyu 7:28

Yóm deng ktulón Jisas du kdê ni kem ni, tey kehtaw le du yó kem tau sbung,

Matyu 4:23

Kewót Jisas bè yó, tódô lenngeben prubinsya Galili. Yó nmoen, gel tmolok bè yó kem kul gónó le gel stifun yó kem Ju. Hetngónen kul yóm Tulón Hyu gbak ebè kun kogot tau Dwata, lelen gel hkó des yó kem tau, balù kihu kay des le.

1 Timuti 6:14

Yó hlauhu kóm, hol nmoem yóm deng hmò Dwata kóm, ne holi hgulit mò du efet yóm kdaw kesfulék yóm gónó tekuy mogot Jisas Krays.

Mark 6:12

Tahu se. Kewót le bè yó na le e tmolok. Yó gel mon le, “Hegsel ye ne, knogol ye yóm sidek deng gel nmò ye.”

Kun Snulat Luk 23:5

Mom lenwê le keseblang le mon du, “Yó sem gel ktoloken nim tau ni, gel senbewegen yó kem tau bè klamangen prubinsya Judiya. Kewóten bè yó bè prubinsya Galili efet ni nem kkólen edini ni, yó se yóm tendo nmoen.”