Matyu 10:8 - Udél Dwata: Gna Kesfasad ne Lomi Kesfasad

⁸ Hkó ye des yó kem tau semlaw, ne hlowil ye ke wen tau matay. Hkó ye yó kem gemnóm des mifù, ne hdó ye bè yó kem tau lengel mata yó kem tulus seitan malak kul. Deng wen blay Dwata kuy yóm là benli ye du. Duhen yó, ke wen tau angat tnóbóng ye, bê ye abay hbayad lu.

Matyu 10:8 Referans Kwoze

Kul Nmò 3:6

Okóm mon Pitér mò du, monen, “Laen dù filaku dou, okóm yóm gónóhu wen, yó se blayu kóm. Lemwót bè kun boluy Jisas Krays, yóm tau lemwót bè Nasarit, gónóhu mon du mò kóm, mdai ne mógówi.”

Kul Nmò 4:30

Hol hegfanem bélê le yóm kóm kfasang hkó des, ne hol nmoem yó kem dumu hentaw ton gel nmoem hlanem bè boluy Jisas, yóm tóbóng lówóhem, yóm laen dù belenen.”

Kun Snulat Luk 10:9

Hkó ye des yó kem tau gemnóm des bè yó. Ne mon ye mò yó kem tau bè yóm benwu yó, ‘Deng moni bélê ye ne yóm kogot Dwata tau.’

Matyu 10:1

Sotu kdaw bè yó, gotu htaba Jisas yó kem sfolò lewu gel lemolò du, ne gotu benlayen lu kwalis anì gbek le hdó yó kem tulus seitan ne hkó des, balù kihu klasihen.

Mark 16:18

Ke gkem le yó kem ulal, duhen ke ginum le yóm ninum gónó matay, là kô le na a matay du. Ne ke nnok le lówó yó kem tau wen des le, tódô mkó yóm des le.”

Isaya 55:1

Yó udél Dwata, monen, “Ó kem tau meeng, géhél ye edini ne ni wen él mò ninum ye. Ó kem tau laen dù filak le, géhél ye edini ne ni wen mò ken ye. Géhél ye edini ne ni wen mò ninum ye. Là heblihu du kuy nim ni.

Matyu 10:7

Ne ye e tulón kul yóm móyón kehto yóm buteng Dwata mogot tau.

Matyu 10:9

Bè nim kógów ye ni, bê ye abay mit filak.