Matyu 10:7 - Udél Dwata: Gna Kesfasad ne Lomi Kesfasad

⁷ Ne ye e tulón kul yóm móyón kehto yóm buteng Dwata mogot tau.

Matyu 10:7 Referans Kwoze

Kul Nmò 28:31

Sal gel tulónen kul yóm kmò kogot Dwata tau, ne gel tulónen yóm gbak ebè Jisas Krays yóm gónó tekuy mogot. Bè yóm gel ktulónen du, laen kô dù klikoen, ne laen se dù tau tô hemseng du.

Matyu 3:2

“Hegsel ye ne, knogol ye ne yó kem sidek gel nmò ye, yakà móyónen hto ne yóm buteng Dwata mogot tau.”

Kun Snulat Luk 9:60

Mon Jisas se mò du, “Tódô angat hebengem tu he kem kun dumu là hemtahu yóm maem. Okóm yó kóm nmò, fen nam e hetngón bè kem tau yóm kogot Dwata tau.”

Matyu 4:17

Nbuten bè yó ne, tmolok Jisas. Yó gel monen, “Hegsel ye ne, knogol ye yó kem sidek gel nmò ye, yakà móyónen hto ne yóm buteng Dwata mogot tau.”

Kun Snulat Luk 16:16

Gu laanen là deng sut yóm Jan gel mabtays,” mon Jisas, “són yó gel hlolò le yó kem tau, són yó kem tehe hlau Musis, ne són yó kem tehe snulat yó kem gna tugod Dwata. Okóm bè yóm deng ksut Jan, nbuten bè yó ne wen Tulón Hyu hetngón le gbak ebè yóm kmò kogot Dwata tau. Bè yóm kungol le du yó kem tau, hotu le gel le anì gmung le.

Kun Snulat Luk 9:2

Ominen hógów kul mò na a hetngón yóm kogot Dwata tau, ne hlós lan le hkó des yó kem tau.

Isaya 61:1

Yóm Dwata hol dandónen geta gónóhu mogot, deng suen béléu yóm Tulusen. Deng néléken ou ne hógówen ou mò mit yóm tulón hyu bè yó kem tau élél ne mò hemyu nawa yó kem tau deng lebà nawa le ne mò fen heglalag du bè yó kem tau negef ne bè yó kem tau blanggù yóm kegewà le.

Mark 6:12

Tahu se. Kewót le bè yó na le e tmolok. Yó gel mon le, “Hegsel ye ne, knogol ye yóm sidek deng gel nmò ye.”

Kul Nmò 10:25

Tikóng gdek Pitér, ominen semlong du, ne tódô hegdungul bè tihen.

Kul Nmò 4:2

Ya tey keklit le du yóm ktolok le Pitér, abay se yó gel tulón le yóm deng bud klowil Jisas. Ne bè yóm deng bud klowilen yó, yó se hol gónó le temngón du yóm angat bud klowil yó kem dumu tau deng matay.

Kun Snulat Jan 3:2

Sotu kifu, mógów ebè Jisas nim Nikudimus ni, monen mò du, “Ó Sér, tódô tngón me uu se sotu tau tmolok hógów Dwata. Laen kô tau gembek mò du yó kem hentaw ton gel nmoem ke là nóen béléen Dwata.”

Kun Snulat Luk 9:6

Tahu se, lemwót le yó kem gel lemolò ke Jisas, ne tódô ket le tu kem benwu tmulón du bè kem tau yóm Tulón Hyu lemwót bè Dwata, ne hlós lan le gel hkó des snéen.

Matyu 23:13

Bud mudél Jisas, monen, “Angat tey tafak ye yu kem tau tmolok hlau ne yu kem Farisi, yu kem tau gel hemtedeng knô. Lómón ke deng mom kendadu ye yóm bak dól bè yóm kogot Dwata tau. Là se kô ye dog gusek kuy, ne deng mom henseng ye yó kem tau móyô mung.

Matyu 21:43

Tódô tulónu kuy,” mon Jisas, “lemwót bè yóm kekbê ye du yóm botu yó, là kô ye bud gmung ne bè yó kem tau nogot Dwata. Yó bud tles nogoten yó kem tau mò du yóm nóyóen.

Matyu 21:31

Bud mon Jisas, “Mahi du de bélê le mimón ke mà le?” Ne mon le se, “Yóm ngaen twogu.” Omin Jisas bud mon du mò kul, “Tódô tulónu kuy, mom gna mung bè yó kem tau nogot Dwata yó kem tau gel mtuk bwis, ne yó kem libun hdóyón. Là kuy, là kô ye na a gmung.

Matyu 11:1

Timbow deng kehlau Jisas yó kem sfolò lewu gel lemolò du yó koni, ominen lemwót na a tmolok bè yó kem dumu benwu hmilol bè yó.

Matyu 10:8

Hkó ye des yó kem tau semlaw, ne hlowil ye ke wen tau matay. Hkó ye yó kem gemnóm des mifù, ne hdó ye bè yó kem tau lengel mata yó kem tulus seitan malak kul. Deng wen blay Dwata kuy yóm là benli ye du. Duhen yó, ke wen tau angat tnóbóng ye, bê ye abay hbayad lu.