Matyu 10:5 - Udél Dwata: Gna Kesfasad ne Lomi Kesfasad

⁵ Kewóten bè yó ne, gotu hógów Jisas yó kem sfolò lewu tau néléken, ne wen hlauhen kul, monen, “Bê ye mógów ebè kul benwu yó kem tau là Ju le, dalang se ebè kul benwu yó kem tau Samarya.

Matyu 10:5 Referans Kwoze

Kun Snulat Jan 4:9

Ne mon yóm libun mò du, “Igoem sem Ju kóm, ne libune lemwót bè Samarya dou, moen ke mnihi él béléu?” Yó se yóm balaen ke Jisas yóm libun yó, abay se là kô glemeg kem Ju du yóm kul tegayan ne huyów yó kem tau Samarya.

1 Tisalunika 2:16

Bud lu se hemseng kum bè yóm gel ktolok me bè yó kem dumu tau là Ju le yóm lan le gewà gu lem hatay. Bè nim nmò le ni gónón deng tmakas Dwata. Ne ni, deng nô ta le ne yóm ktafaken kul.

Kun Snulat Luk 17:16

Tódô na a hegluduk klohok ti Jisas, ne tey kdóyónen du. Nim tau ni, là Juhen, tau lemwót bè Samarya.

Kul Nmò 10:45

Ya tey ketnga yó kem Ju dumu Pitér lemwót bè Jupa yóm keblay Dwata du yó kem tau là Ju le yóm Tulusen.

Kun Snulat Luk 9:2

Ominen hógów kul mò na a hetngón yóm kogot Dwata tau, ne hlós lan le hkó des yó kem tau.

Kul Nmò 1:8

Okóm ke deng sut bélê ye yóm Tulus Dwata, angat wen se kuy kfasang, ne angat sensból ye bè Jirusalim yóm deng nmou, bud senged se bè klamang prubinsya Judiya efet kól etu bè klamang prubinsya Samarya, ngangen efet lenngeben klamang benwu.”

Kun Snulat Jan 20:21

Ne bud mon Jisas mò kul, “Dwata he hol henek nawa ye. Lómón yóm tehe khógów Mà do, hol lómón yó se bud khógówu kuy.”

Kun Snulat Jan 7:35

Ne stulón le són lu yó kem tau wen glalen bè yó kem Ju, mon le, “Tedu gónón e tô solu tau ni du ke là bud tô ton tekuy du? Déke mógów elem blóng tu kem dumu tekuy Ju sekla menwu lem blóng tu kem Grik. Déke mom tmolok bè tu kem Grik.

Kun Snulat Jan 4:5

Ngangen mógów efet kól bè Sikar, yóm sotu benwu udì snakuf Samarya. Nim Sikar ni, moni bè yóm tonok tehe blay Jakub yóm ngaen Jusif ekni.

Kun Snulat Luk 10:33

Là legenen bè yó, bud sut bè yó sotu tau, bede là Juhen, tau lemwót bè Samarya se kun. Timbow tonen yóm tau masà bè lan yó, ya tey kkoduhen du.

Matyu 4:15

“Yóm kun tonok tehe Sibulun, ne kun tonok tehe Naftali, kem benwu hnalak lan ebè mohin, benwu nô fatu yóm él Jurdan, hono benwu glem lem Galili, ne hono kem tau là Ju le nô du.

Kul Nmò 8:1

Wen se kem tau ngelem kehtahu le bè Dwata ne tilob klolò le yó kem hlau Musis, lu fen lembeng ke Stéfén ne tey klangag le du snéen. Okóm ke Sol kun, tey kehyu nawahen bè yóm khatay le ke Stéfén. Tódô kewóten bè yóm kdaw yó, sónmò le tendo hemsidek kul yó kem tau hemtahu bè Jisas bè Jirusalim. Gotu le sekla mlóy gu bè Jirusalim yó kem tau hemtahu bè Jisas, mlóy le etu bè klamangen prubinsya Judiya ne klamangen Samarya. Són yó kem sfolò lewu tehe nélék Jisas tagak bè Jirusalim.

Kun Snulat Jan 8:48

Deng mom yó bud balà le ke Jisas, mon le, “Tahu se yóm gel mon me, tauhi lemwót bè Samarya se kóm, lelen wen busawem.”

Kun Snulat Jan 4:20

Yó kem tehe fù me ekni, gel le tmaba Dwata bè nim bulul ni. Okóm yu kem Ju, gel mon ye són bè Jirusalim gónô tmaba Dwata.”

Kun Snulat Luk 10:1

Kogolen bè yó, wen hitu folò lewu tau bud nélék Jisas, ket ne lewu kmò khógówen kul, hegnahen lu ebè tu kem benwu gónón angat e mógów.

Matyu 22:3

Timbow deng hto yóm butengen mò du, ominen hógów yó kem tau mò nmò béléen anì na le e nangay tu kem tau deng tinoken. Okóm mom là dog le móyô mógów yó kem tau deng tinoken yó.

Mark 6:7

Ominen semtifun kul yó kem sfolò lewu gel lemolò du, ne wen gónón e hógów kul, bede ket kul na lewu kmò khógówen kul. Ne wen ktued blayen kul anì gbek le hdó busaw.

Kun Snulat Luk 9:1

Sotu kdaw bè yó, gotu sentifun Jisas yó kem sfolò lewu gel lemolò du, ne wen kfasang blayen kul ne wen kwalis le hdó busaw ne hkó des.

Kun Snulat Jan 17:18

Deng hógówem ou elem benwu. Bud lómón yó se khógówu kul bè yó kem tau elem benwu mò tmolok bélê le.