Matyu 10:40 - Udél Dwata: Gna Kesfasad ne Lomi Kesfasad

⁴⁰ “Bè nim khógówu kuy ni,” mon Jisas, “yó se tau hmódó kuy, lómón ke ou hnódóhen. Ne yó se tau hmódó do, lómón ke hnódóhen yóm deng hógów do.

Matyu 10:40 Referans Kwoze

Kun Snulat Jan 13:20

Tódô tulónu kuy ktahuhen,” monen, “yó se tau hmódó yóm tau hógówu, hol lómón ke ou se yóm hnódóhen yó. Ne yó se tau hmódó dou, deng hnódóhen snéen yóm hógów do.”

Kun Snulat Luk 9:48

ne monen mò kul, “Ke wen tau hmódó nim ngà nii mlan bè dou boluy, lómón ke ou yóm hnódóhen. Ne yóm hmódó do, lómón ke hnódóhen snéen tum hógów do. Yakà yóm alì heglaan bélê ye, yó se yóm hol geta.”

Kun Snulat Luk 10:16

Ne bud mudél Jisas bè yó kem lemolò du, yó monen mò kul, “Bè nim khógówu kuy ni, yó se hmungol kuy, lómón ke ou se yóm hnungolen. Yó se kembê kuy, hol lómón se ke ou yóm kenbéen. Ne ke kenbéen ou yóm tau, hol lómón ke kenbéen snéen yóm hógów dou.”

Matyu 18:5

Ne ke wen tau hmódó yóm sotu ngà lómón yóm ngà nii mlan bè dou boluy, lómón se ke o ne yóm hnódóhen.”

2 Jan 1:9

Ke wen tau là gmulit du yóm kun tolok Krays, ne deng mom wen gel tnuen du, là kóen nô béléen Dwata yóm tau yó. Okóm ke tendo nuliten yóm kun tolok Krays, deng nô béléen ne yóm Mà tekuy lewu le yóm Ngaen.

Kun Snulat Jan 20:21

Ne bud mon Jisas mò kul, “Dwata he hol henek nawa ye. Lómón yóm tehe khógów Mà do, hol lómón yó se bud khógówu kuy.”

Matyu 25:40

Angat bnalaen se lu yóm Tau Hol Geta, monen, ‘Tódô tulónu kuy ktahuhen, yó se deng nmò ye bè yó kem dumuhu setwoli alì gdanà, lómón ke béléu gónó ye mò du yóm yó.’

1 Tisalunika 4:8

Duhen yó, ke wen tau kembê du nim toloku kuy ni, là kô tolok tau du yóm kenbéen, kaem Dwata yóm bemlay tekuy yóm kun Tulus.

Glasya 4:14

Balù yóm tey keglala ye béléu bè yóm tehe kwen desu dyó, là kô hnisik ye dou, là kô kenbê ye do. Mom yó nmò ye, tey khódó ye do, hol lómón ke ou yóm hógów Dwata gu bè longit, ne lómón ke ou Krays Jisas.

Kun Snulat Jan 5:23

anì kdéen tau gotu madat yóm Ngaen lómón se yóm kadat le ke Maen. Yó se tau là madat du yóm Ngà, là se kô nadaten du yóm Maen, yóm hógów du.

Mark 9:37

“Yó se tau hmódó yóm sotu ngà lómón yóm ngà nii mlan bè dou boluy, lómón se ke ou ne yóm hnódóhen. Ne yó se hmódó dou, là olon ou du yóm hnódóhen, okóm gomong hnódóhen yóm hógów dou snéen.”

Matyu 25:45

Ne yó monen mò kul yóm Tau Hol Geta yó, ‘Tódô tulónu kuy ktahuhen, yóm là dog któbóng ye yó kem tau alì gdanà, lómón se yó ne yóm là dog któbóng ye dou.’

2 Kurin 5:20

Ne duhen yó, mi se gel hógów Krays mò mit yóm kun tulón. Hol lómón ke Dwata fen mudél ebélê ye, okóm hlanen bélê me. Yó udél hwit Krays kum, monen, “Géhél ye mit sefyu ebè Dwata ne.”

1 Bok Kem Tau Hol Geta 18:4

Ne bè yóm kdaw gotu tô khatay Jisébél yóm kdê tugod Dwata, yó nmò Ubadaya botong lematu tugod Dwata bnosen bè yóm lewu kilib. Ket limu folò kebnosen kul, hyu benlayen lu ken ne él.)

Jirimaya 39:17

Okóm kóm du Ibid-mélék, fen hewau uu bè yó kem tau alì knikoem.