Matyu 10:4 - Udél Dwata: Gna Kesfasad ne Lomi Kesfasad

⁴ ne yóm sotu Simun yóm tau tehe mung mofin yóm kul benwu, ne Judas Iskariyut yóm tau fen bemlay sumóng ke Jisas.

Matyu 10:4 Referans Kwoze

Matyu 26:14

Kogolen bè yó, lemwót Judas Iskariyut, sotu bè yó kem sfolò lewu gel lemolò ke Jisas, tódô mógów etu bè tu kem geta bè yó kem gel demsù ebè Dwata.

Kun Snulat Jan 13:2

Timbow kifu bè yó, gotu le seyón ke Jisas mken yó kem gel lemolò du. Deng sana hnô Seitan lem hendem Judas yóm angat keblayen ke Jisas sumóng ebè yó kem hmohon du. Nim Judas ni, du se ngà Simun Iskariyut,

Kun Snulat Jan 6:71

Duhen Judas, ngà Simun Iskariyut se, gónón e gbak yóm mon Jisas yó. Igoen du sotu bè yó kem sfolò lewu gel lemolò du, du se fen matul du anì gekfô le Jisas yó kem hmohon du.

Mark 14:43

Igò Jisas tolo mudél, gdofì bè yó se Judas, yóm sotu bè yó kem sfolò lewu gel lemolò du. Tey tau wen huli du. Wen se lemumak sudeng bélê le, ne wen se kmulóng bogul. Lu se hógów yó kem tau hol geta bè yó kem gel demsù ebè Dwata, ne yó kem tau gel tmolok hlau, ne yó kem tuha gónó le gel galak yó kem Ju.

Matyu 26:47

Igò Jisas tolo mudél, gdofì bè yó se Judas, yóm sotu bè yó kem sfolò lewu gel lemolò du. Tey tau wen huli du. Wen se lemumak sudeng bélê le, ne wen se kmulóng bogul. Lu se yó kem tau hógów yó kem geta gel demsù ebè Dwata ne yó kem tuha gónó le gel galak yó kem Ju.

Kun Snulat Luk 22:47

Yóm igò Jisas tolo mudél, tódô gdofì yó kem tey tau wen. Ne tukô gna kul se Judas, sotu bè yó kem sfolò lewu gel lemolò du. Tódô hekteng nan e tô nelek Jisas.

Kun Snulat Luk 22:3

Bè yóm kdaw yó, husek Seitan bè hendem Judas, yóm gel boluy le du Iskariyut. Du se sotu bè yó kem sfolò lewu deng gel lemolò ke Jisas.

Mark 14:10

Kogolen bè yó, lemwót Judas Iskariyut, sotu bè yó kem sfolò lewu gel lemolò ke Jisas, tódô mógów ebè tu kem geta bè yó kem gel demsù ebè Dwata, tulónen kul yóm kmò któbóngen kul anì gekfô le Jisas.

Matyu 27:3

Timbow ton Judas, yóm tau tehe mlay ke Jisas sumóng, yóm deng kegtuled Jisas, ya tey khuli selen. Ominen bud tô hulék yóm tlu folò botù filak mgel tehe blay le du yó kem geta bè yó kem gel demsù ebè Dwata, ne yó kem tuha gónó le gel galak yó kem Ju.

Kul Nmò 1:25

mò hógówem, mò tles Judas, yóm tau deng tebelen yóm tehe gel nmoen, ne hlós ebè yóm benwu hol knóón béléen.”

Kul Nmò 1:13

Timbow le kól bè Jirusalim, tódô le hlós ebè yóm dfél tofi ta bè yóm gónô gónó le gel mefet. Yó kwen le, Pitér, Jan, Jim, Andru, Filip, Tumas, Bartulumyu ne Matyu. Mung Jim ngà Alfiyus, ne yóm Simun tehe gel mung mofin yóm kul benwu, ne yóm Judas, ngà yóm sotu Jim.

Matyu 26:2

“Deng tngón ye lewu ni he kehtohen yóm mò ken bong bélê tekuy bè Kdaw Khius. Segeng du yóm angat keblay le yóm Ngà Tau elem tdok yó kem tau angat tmutuk du bè kros.”

Matyu 26:15

Yó snólóken bélê le, monen, “Hilu de blay ye do ke ou fen malak kuy ebè Jisas?” Deng mom yó nmò le, tódô nsó le béléen tlu folò botù yóm kul filak mgel.

Kun Snulat Jan 6:64

Okóm wen se bélê ye là hemtahu du.” (Yó gónó Jisas mon du yóm yó, abay se deng eles tódô tngónen lemwót bè kbuten yó kem tau là hemtahuhen, ne eles tngónen se yóm tau angat matul du anì gekfô yó kem hmohon du.)