Matyu 10:38 - Udél Dwata: Gna Kesfasad ne Lomi Kesfasad

³⁸ Yóm tau ke loloen o, okóm là eles tnihangen du yóm kun kros, kéngen yóm kloloen do.

Matyu 10:38 Referans Kwoze

Kun Snulat Luk 14:27

Yóm tau ke loloen o, okóm là eles tnihangen du krosen, kéngen yóm kloloen do yó.

Mark 8:34

Omin Jisas sembung yó kem tey tau wen bè yó, dalang se yó kem gel lemolò du, ne monen mò kul, “Ke wen tau móyô lemolò do, song hyu ke tódô tebelen yóm kun kóyô, ne eles tnihangen yóm kun kros, ominen yó lemolò do.

Matyu 16:24

Ne bud mon Jisas mò yó kem gel lemolò du, monen, “Ke wen tau móyô lemolò do, song hyu ke tódô tebelen yóm kun kóyô, ne eles tnihangen yóm kun kros, ne ominen yó lemolò do.

Kun Snulat Jan 19:17

Kewót le bè yó, nwit le Jisas, tódô htihang le du yóm kun kros. Nwit le ebè yóm benwu boluyen “Bangag Kulu.” (Yó boluyen bè udél Hibru, “Golgata.”)

Mark 10:21

Yóm ketngel Jisas ebéléen mom gkoduhen, monen mò du, “Sotu he duen tolo gónóhem là deng sikof. Tu ne muléki, nam e hbalù yóm kdê nô béléem, ne blayem bè tu kem tau élél yóm blihen, ne angat wen tey kendengenem bè longit. Lemwót yó dum kóm, loloem o.”

Matyu 27:32

Yóm tolo knô le bè lan, geslong le yóm sotu tau boluyen Simun, lemwót bè Sayrin. Tódô gnaga htihang le du yóm kros Jisas.